Zôo 8:9 - Yálá laawoo hɛɓɛ (dc)

⁹ Di gu kaa lɔ wɛi, gu hvo ni mɛ̨nį ta kɔ́lɔn, mąąhɔlɔɓo, gu wɔ yɛnɛ̨ɛ̨ kaa kpɔlɔ ni yɛ nįnįn a hiɛ lɔi ɓa.

Yálá laawoo hɛɓɛ

⁹ Di gu kaa lɔ wɛi, gu hvo ni mɛ̨nį ta kɔ́lɔn, mąąhɔlɔɓo, gu wɔ yɛnɛ̨ɛ̨ kaa kpɔlɔ ni yɛ nįnįn a hiɛ lɔi ɓa.

Bible

⁹ Kúkɛ ɣéniɛi káa nɔ́ a tãi kpua, ǹyaŋ kúfe mɛni da kɔ́lɔŋ. Nàa a kɛ̀ tí, kúfulu-laai é tɛ́ɛ nɔ́ yɛ̂ɛ ninîŋ ƃé siâi ǹɔii ma.

Zôo 8:9 Iomraidhean Croise

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Kɔlɔnikɔ Maa-ŋuŋ 29:15

Gbala ə tɔɔ, ku kaa Ə́ ɲɛ̨i mu yɛ nwɛ̨ąą, yɛ tɛɛ nuą, lɔ yɛ ku nąnni kəlee di kɛ la. Ku yíi hvólóɠaai ɓɛ ku yəi yɛ̨nɛ̨ɛ̨, di kaa yɛ nįnįn, ɲali bulu hvo mą.

Kɔlɔnikɔ Veerɛi 10:6

Tɔɔmun Roboamə ə li, galanɉonŋąąi ŋɛ̨i kɛ nąn Salomɔn kwɛlɛ diɛ tí mą vulú kɔ́wɔ ŋą, ə nwun dɔɔ a diɛ; yɛ diɛ: «Ə həli káá! Kaa ŋį́ nuą ŋɛ̨i woo pulu pənə ləi?»

Zôo 14:1

Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Zôo 14:2

Gaa lɔ yɛ wulu powai a kulɔ, yɛ yohva; gaa lɔ yɛ nįnįn, a kulɔ, ɛlɛɛ hva lamun.

Zôo 32:7

Ŋą́ kɛi kɛ diɛ: «Nu pɔlɔ laa kaa pai hvaai, kwɛlan damąą ɓə pai kili mɛ̨nį lɛi.»

Zôo 7:6

Ɲíí hvóló aa tɛɛ a ɉu kpua, yɛ həɠə pala mįnɛ̨, yaai a tɔɔ lɔ ɓɛlɔwai ɲee a kpɛɛ la ma.

Zôo 8:10

Kɛlaa, di wɛi, di kaa pai pələ ɓoi yɛ́, di ə́ kilaa pɔ̨nɔ̨. Di wɔ kiliŋą laa hu, di kaa pai mɛ̨nįɠaai ŋɛ̨i ɓoi yɛ́; diɛ kɛ yɛ́:

Mąątɛ̨nɛ̨ 102:11

Mąąhɔlɔɓo, yáá Ə́ liiholi bɔ́ ɓəɠə-ɓəɠə, Yáá dɛ́ yələi, Yáá bílí kwɛa la.

Mąątɛ̨nɛ̨ 102:12

Nwɔ́ hvólóɠaa kaa lii yɛ nįnįn, ŋį́ ɓo yɛ kala tiliin, gɛ́ kpala.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Mąątɛ̨nɛ̨ 82:5

Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ.

Mąątɛ̨nɛ̨ 90:4

Gaa tii, kwɛlan nwaa tɔ̨nɔ̨ kaa ə́ ɲɛ̨i mu, yɛ wɛi, yɛ hvóló tɔ̨nɔ̨i aa tɛɛ, lɔ yɛ yíi kpinįn dɔ̨nɔ̨ kulɔi.