Zôo 7:6 - Yálá laawoo hɛɓɛ (dc)

⁶ Ɲíí hvóló aa tɛɛ a ɉu kpua, yɛ həɠə pala mįnɛ̨, yaai a tɔɔ lɔ ɓɛlɔwai ɲee a kpɛɛ la ma.

Yálá laawoo hɛɓɛ

⁶ Ɲíí hvóló aa tɛɛ a ɉu kpua, yɛ həɠə pala mįnɛ̨, yaai a tɔɔ lɔ ɓɛlɔwai ɲee a kpɛɛ la ma.

Bible

⁶ Ŋá kɛ̀ ɣéniɛi a tɛɛ̂i a maa félaa yɛ̂ɛ berei seɣe pala-nuu a ŋɔkenai tɛ̀ɛ la a maa félaai. Ŋá ɣele kûui káa tɛɛ̂i a maa félaa. Kɛ ɣéniɛ maa kili kɛ-zu fé ŋɔ́nɔ ńyêei.

Zôo 7:6 Iomraidhean Croise

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Zôo 14:19

Ya a pɛli kwɛniɠaa ɓuwɔi, yɛ gbaalə laa lɔi hu. Bələ ɓə yáá nwɔ́ kilitɔɔmąą laa hu kala la,

Zôo 16:22

Mąąhɔlɔɓo, nwɔ́ kɛ yɛnɛ̨ɛ̨ gwɛlan və tamą li, bələi vílɛn ŋąą mɛ̨i, və́ pai búlu pənəi.

Zôo 17:1

Nɔ̨́ɔ̨ kaa kpɛɛi ɉu, ɲíi hvóló yɛ kpɛɛ. Gáma laa a tɔɔ.

Zôo 17:11

Nwɔ́ hvólóɠaai daa tɛɛ, da giliŋąhiɛɠaai kpɔ kɛ mą́ą́. Ə mą kɛ níí hu mɛ̨nįɠaa.

Zôo 17:15

Nwɔ́ kilitɔɔmąą laa ə li mį? Gbɛɛ ɓə gílitɔɔi kaai?

Zôo 17:16

Kwa yaa ku kaa pai yɛɛi ɲąmuątaa. Ku kɛ a pɔlɔ kɔ̨nɔ̨n.

Zôo 19:10

Aa vána kɛɛnąą kəlee ɓa, ə gɛ ŋį́ haa, aa nwɔ kilitɔɔmaa kulɔ a nwun.

Zôo 6:11

Nwɔ́ kilitɔɔmaa hvaŋą ɓaa lə? Námun mɛ̨nį kpɔ yɛnɛ̨ɛ̨, nwun mąą lə?

Zôo 9:25

Ɲíí hvólóɠaa kaa tɛɛi, ə tɛɛ gilɛ həɠə mun nwəlɛɛ ɓa. Daa tɛɛ, di hvo mɛ̨nį ɲąąnɛ̨ɛ̨ kaa li.

Mąątɛ̨nɛ̨ 102:11

Mąąhɔlɔɓo, yáá Ə́ liiholi bɔ́ ɓəɠə-ɓəɠə, Yáá dɛ́ yələi, Yáá bílí kwɛa la.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Zĩi 1:11

Hvo gaai, hvóló a kulɔ a nwəleen gɛnɛ̨, a gala kpala, bowa ə kulɔ ɲəi, nwɔ nɛlɛ laa ə kulɔ ɲəi. Bələ kpɔlɔɔ ɓə hɛn gɔw nąmu a kulɔ la, nwɔ hɛn gɔw lɔwai.

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 1:24

Hvo gaai: «Nu kan gaa lɔ yɛ kala-tíliin, nwɔ mąąwiɛlaa ə ɓo yɛ wulu powa; kala-tíliin a kpala lɔ, bow ə kulɔ ɲəi;