Zôo 6:15 - Yálá laawoo hɛɓɛ (dc)

¹⁵ Gááyɔwɔa daa mówo, yɛ ya yii da kɛ mą: Pawɛɛ, yɛ ya yii hvóló a lɛɛ lɔ dooi, aa ma kpala.

Yálá laawoo hɛɓɛ

¹⁵ Gááyɔwɔa daa mówo, yɛ ya yii da kɛ mą: Pawɛɛ, yɛ ya yii hvóló a lɛɛ lɔ dooi, aa ma kpala.

Bible

¹⁵ Káai ŋí a ńawoi-ni, ka ḿbɛlɛ̂i yɛ̂ɛ fólo-ɣele ya-ɣɛli-ŋa, nyii a kpâla tuna a wàla kɛ́ pûi.

Zôo 6:15 Iomraidhean Croise

Zôo 11:16

Mąąhɔlɔɓo, ə́ wɔ mɔ̨nɔ̨ɠaai naa kili hva kɛa too ə́ ŋį́. Gili a too lɔ kɛa ə́ ŋą yɛ ya a pu.

Zôo 13:4

Ka wɛi, ka káá lɔ a lɛɛ kpɛtɛ nuą, ka káá lɔ a yɔwɔtɔlɔɔ gbɛliɠaa.

Zôo 14:11

Gboloyá a pɛli kpalai, ya kpɛa kpɛa diɛ kpala, muluun yɛ too,

Zôo 19:13

Daa gááyɔɠoa kəlee mąą kwɛa mą́ą́, gɔ́lɔn nuą kəlee diɛ di kpɔɔ kɛ mą́ą́ a nwɛ̨ą.

Zôo 19:19

Nwɛ́li aa kpɛɛ nwɛ́li kɛ mąą nuą kəlee diɛ, Yiiɠaai mąn ŋį́ di wɛli la kɛ, gəlee daa di ɲɛ̨i ɲɔ̨nwɔ̨ɔ̨ hee mą́ą́.

Zôo 6:16

Di kaa yɛ ya yii hanwon dulɔ a kɛ tukpu-tukpu.

Mąątɛ̨nɛ̨ 38:11

Níi kaa kɛlɛi gwə́i, hvaŋą aa kpɛɛ ɲə́i, ɲɛ̨́i yɛ tɛɠi mą́ą́.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Mąątɛ̨nɛ̨ 88:18

Yələ kəlee, mą́ą́ tinɛ̨n ŋąąi lɔ a mąąɲɔw hɛnŋaa, di kaa yɛ yáhvɛɛ, daa mą́ą́ tinɛ̨n, daa doo gee hu.

Hanwon 25:19

Nu ya ə́ kilitɔɔ pulu kulɔmun ma a kɔ́ yələ, gaa yɛ nu ɲin mɛ̨i yaliɛ, a wala kɛ tii, nu kɔ́wɔ tɔ̨nɔ̨ kpuaa.

Ɉeremi 12:6

Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 38:22

Nɛąąi tii nii dɔɔ pɛlɛ́ mu, da li a gəlee Babilonə tɔɔmun nwɔ kɔlaɠai ɲɛ̨itɔwɔ nuą kpɛa-kpɛa pɔ. Diɛ wələ too, diɛ kɛ mą: «‹Daa ə́ nwun ɉu lan, daa ə́ ɓowo, ə́ ɓɛlaa lɛlɛɛɠaai tii, ə́ kɔwɔ a lɔ palayá hu, lɛani daa di wɔ li ɓo.›

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Ɉaan 16:32

Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.