Zôo 5:24 - Yálá laawoo hɛɓɛ (dc)

²⁴ Ə́ kaa pai liilaa hɔlɔɓoi ə́ yəi bɛlɛ́n, yá kɛi ə́ kɔ́wɔ hu hiɛ ə́ wɔ Nįŋɛ̨ galaɠaai hu, yá gəlee kaa a ɲąą pɛliɛ.

Yálá laawoo hɛɓɛ

²⁴ Ə́ kaa pai liilaa hɔlɔɓoi ə́ yəi bɛlɛ́n, yá kɛi ə́ kɔ́wɔ hu hiɛ ə́ wɔ Nįŋɛ̨ galaɠaai hu, yá gəlee kaa a ɲąą pɛliɛ.

Bible

²⁴ Ípɛrɛi mu-sãai kélee kpɔ́ a pâi ƃûu ƃôi. Í máŋ íƃala konaŋ su káa, gélee a pâi kɛ̂i a ŋaa pɔ̂riɛɛ.

Zôo 5:24 Iomraidhean Croise

Zôo 18:15

Ya pɛli kɛa ə́ yii ɲəi bɛlɛ́n, nwɔɔ naa hvəli kɛa, di kaa pai ɲinɛnŋąą kpɛi ɲəi bɛlɛ́n,

Zôo 18:21

«Yii lɔ a həli toomɛ̨i kɛ mun ma, ya ka ti, ɓɛi di hvo kɛ Yálá kɔ́lɔn nąą, nąą kɛ pələ ka ti.»

Zôo 18:6

Nwɔ həɠə pɛ́lɛ́i mu kɛɛ pɔ̨nɔ̨ yɛ pənə a kpinį nabon a ɉee nwun na, yɛ luwun.

Zôo 8:6

akɛ ə́ wɔ mɛ̨nį haŋąąi bɛliɛ ɉu, a kɛ ti, gaa pai gili lɛɛi ə́ hu, yɛ pənə yɛ ə́ hee ə́ wɔ tələnmolaai hu.

Mąątɛ̨nɛ̨ 107:4

Daɠaa di lan lɔi pun ɉu, pələ puɔɠaa hu, di hvo kɛi taa kaa, yii nu a kɛ ɉu.

Mąątɛ̨nɛ̨ 107:40

Yili pulu, Yálá ə wɛlikpɛɛmąą laa lɔ nu kpɛa kpɛa kili pɔ, ə di lɛɛ laa diɛ li di nwun na pili pələ mɛ̨i.

Mąątɛ̨nɛ̨ 112:3

Ɲəi bɛlɛ́n ɉɛnŋąą ɓaa yeelahvoloon hɛn gɔw da nwun na nɛ̨ɛ̨, nwɔ tələnmolaa ɲɛ̨n və mą.

Mąątɛ̨nɛ̨ 25:13

Mąą nu a yíi nɛ̨ɛ̨ ɓo, ɉuwu yɛ lɔi hɔlɔɓo.

Mąątɛ̨nɛ̨ 91:10

Mɛ̨nį ɲɔ̨n və pai həlii yɛ́, mɛ̨nį ɲąąnwąnąą ta hva lɛɠɛ ə́ wɔ yíi-pɛ́lɛ́i ɓa;

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Dutɛrɔnome 28:6

Lúwɔ́ ə kɛ ka lii da ka pai ɓa.

Samuɛlə dɔlɔɔ 30:3

Pai Davidə da nwɔ nuąi di mo taai, di daa kaa gələn ŋąą, daa li a di nɛ̨ąni da di lonnii kəlee.