Zôo 5:12 - Yálá laawoo hɛɓɛ (dc)

¹² A gbáná nuą di wɔ kiliŋąhiɛ hukala, mɛ̨nįɠaai di gili tee di kwəi, gəlee hu a kala di yəi.

Yálá laawoo hɛɓɛ

¹² A gbáná nuą di wɔ kiliŋąhiɛ hukala, mɛ̨nįɠaai di gili tee di kwəi, gəlee hu a kala di yəi.

Bible

¹² Ɣâla a ŋ̀ôya-ƃelai dí mɛni kpɛtɛɛ-ŋai kélee su kàra. Dí mɛni kpɛtɛɛ-ŋai ŋá fa kûla ma a ǹɛ́lɛɛ.

Zôo 5:12 Iomraidhean Croise

Zɛnɛse 31:22

Hvóló haaɓa tɛɛ pulu, nu ta ə mo Laban ɓa, yɛ mą: «Ɉakɔbə aa pu.»

Samia Veerɛi 11:9

Kɛlaa, Uri hvo gɛ hvo yíi ɲəi bɛlɛ́n, ə yíi tɔɔmun ɲəi bɛlɛ́ laaləi, da dɔɔ pɛlɛ́ mąąkpɛ nuą.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Tɔɔɓɛlaa veelɛ 6:9

Yálá nwɔ nui a li ə ɉukulɔ Israɛlə tɔɔmun mą, yɛ mą: «Hvo kɛ ə́ kaa lii bələ yii ŋɛ̨i pɔ pələ, mąąhɔlɔɓo, Aramə tɔɔmun a nwɔ kɔlaɠai pɛlɛ laa.»

Nehemi 4:15

Ku kɛi goló kɛ, kpalaɠaa di ɓo ku yee tɔ̨nɔ̨ ŋą, ə həɠə yələ ɓɔɔ ɓa, ə lɛɛ la ɉu pɛmɛ̨lɛ̨n gɔwɠaa di kulɔ.

Nehemi 4:9

Gaai ku yowoɠaa di mo, diɛ kɛ daa ku kilaa pɔ̨nɔ̨, ə lɛɛ, Yálá aa di kwəi kiliŋąhiɛ kala; ku kəlee ku pənə kwəli ɉįi tɔɔ koló ɓa, nu kəlee ə́ li gɛ koló ɓa.

Zôo 15:5

Ə́ wɔ túwɔ́ pələ ɲɔ̨n gaa kulɔi ə́ la, yɛ́ hvaa a gbąną nuą hvaa pələ.

Mąątɛ̨nɛ̨ 21:11

Yá di lonnii kpɛɛ lɔi mɛ̨i, yɛ́ di huwu pu, diɛ kulɔ yɛnɛ̨ɛ̨ nuą lɔwai.

Mąątɛ̨nɛ̨ 37:17

Mąąhɔlɔɓo, nɛ̨ŋɛ̨n ɉəɠə nuą yee kɔnwɔn ɉu kaa pai yalii, Kɛlaa, Yai-Laa a ɲee pu tələnmo nuą mu.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Hanwon 22:12

Yai-Laa a mɛ̨nį kɔ́lɔn ŋąą leelee mɛ̨i kaa, yɛ nu ɲɔ̨nwɔ̨ɔ̨ɠaa woo mąą kpoloon.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Ɉeremi 8:8

Ka tɔɔi ɓaa mį, kaa kɛ diɛ: mɛ̨nį kɔ́lɔn gili kaa ku yəi, mąąhɔlɔɓo, Yai-Laa nwɔ tɔ́n kaa ku yəi? Ya pa, ka dɔ́n ɉɛɓɛ́ mąą pənə a lɛɛ woo; dɔ́n ɉɛɓɛ́ kɛ nuą di wɔ kpɔn kɛ mɛ̨nį li.

Abdiasə 1:8

Yaan, ɲą́ą́ Yai-Laa, gɛ́ diɛ: Nwɔ́ liiɲąnwąną hvólói tii hu, ŋą́ Edɔmə lɔi nwɔ kilimąą nuą kəlee paa. Ə mą kɛ nwun gɛ ɉu nuąi di kaa Esau huwuhu diɛ ɓo ɲeeɠaa ɓa, vá di lɛɛ laa.

Gɛlaɠaa 12:11

Nąąlɔwai mɛ̨nį ti di gɛ, Piɛrə ə gbaɠala kaa kɛa yɛ kɛ: «Yiihu ŋą́ą́ gbaɠala kaa, ŋą́ą́ gbaɠala kɔlɔn gɛ́ kɛ, Ną́mu aa nwɔ malaka tɔɔ, aa gúlɔ Herodə yəi da Ɉuifəɠaai kɛ bɔ di mɛ̨nį ɲɔ̨n gɛ a ɲą́ą́.»

Samuɛlə dɔlɔɔ 23:13

Davidə da nwɔ nuąi di həɠə Keila. Di kɛ a nu nwun mɛ̨ida ɲɔ̨nwɔ̨mąn, di kulɔ Keila, diɛ li di nwun ma. Di mo Saulə ɓa, diɛ mą: «Davidə aa kulɔ Keila daai.» Saulə ə gɔ́ mɛ̨nį lɛɛ laa.