Zôo 42:9 - Yálá laawoo hɛɓɛ (dc)

⁹ Teman mun Elifazə, Sua mun Bildadə, da Naama mun Sofarə de li, nwooi Yai-Laa ə mo, di bɔ mɛ̨nį kɛ. Yai-Laa yaan ə Ɉobə woo mu hon a gwəinɛ̨ɛ̨.

Yálá laawoo hɛɓɛ

⁹ Teman mun Elifazə, Sua mun Bildadə, da Naama mun Sofarə de li, nwooi Yai-Laa ə mo, di bɔ mɛ̨nį kɛ. Yai-Laa yaan ə Ɉobə woo mu hon a gwəinɛ̨ɛ̨.

Bible

⁹ Nya ƃe Ɛlifa, Beeda da Zofa nyii-ŋai kɛ̀ a Tema, Sûa, da Naama-ƃelai dí m̀ɛnii kɛ̂ nyii Yâwɛɛ è mò dîa a gɛɛ dí gɛ́i. Ǹyaŋ Yâwɛɛ è ǹyée sèe Zôo ŋɔɣâla fɛli-wooi mu tãi è Ɣâla fɛ̀li lai.

Zôo 42:9 Iomraidhean Croise

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Zôo 22:27

Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Zôo 22:30

Ə mą kɛ nui hvo tələnmo li, gaa pai nwun mąąɓoi, nwun mąą a ɓo ə́ wɔ tələnmolaa haalai.

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Ɉaan 2:5

Jesus nee yɛ tii diɛ: «Yii a ka tii la, ka yili kɛ.»

Gɛlaɠaa 10:33

Ɲąąɓa ŋį́ nuą tɔɔ diɛ pa ə́ təlii, ya ka tii, ə́ gɛ a nɛlɛɛ ə́ pa. Yiihu kɛa, ku kəlee kuɔ ka ə́ liila, yii kpɔ gu Ną́mu ə mo yɛ́, ku wəli tɔɔi, mo kuɔ.»

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.