Zôo 42:6 - Yálá laawoo hɛɓɛ (dc)

⁶ Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Yálá laawoo hɛɓɛ

⁶ Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Bible

⁶ Maa mɛ̂ni ma, ŋâa nâa ŋ́oo síɣe pôlu. Ŋa ḿbôlu tɔɔ ńdûa-pere ma ŋa muluŋ da luu pú ŋûa a malôŋ-pere.”

Zôo 42:6 Iomraidhean Croise

Zɛnɛse 18:27

Abrahamə yɛ nwɔ̨nɔ̨ mą: «Ną́mu, ə́ lii laa bɔ́, gáá nwɔ̨nɔ̨ bɔ ŋą́ mɛ̨nį ta ɓo yɛ́, ɲą́ą́ ŋɛ̨i və́ ɓaa hɛn da, gáá lɔ a muluun gbala a wala kɛtii luwu.

Tɔɔɓɛlaa dɔlɔɔ 21:27

Ɓɛlɔwai Akabə ə bələi tii mɛ̨n na, ə mąą həɠə huɓɛla, ə ɓíi haɠa too gwaną, ə hįn nɔ, yɛ yíi ɓíi haɠaɠaa mɛ̨i, yɛ mąąwɛli hiɛ ɓo.

Ɛsdrasə 9:6

Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Zôo 30:19

Aa dóó pɔlɔ hu, ŋą́ą́ kɛ a palaya da luwu.

Zôo 42:5

Ŋą́ kɛi lɔ ə́ laa mɛ̨n diɛ mo, yiihu nwɛi, ɲɛ̨́i aa tɔɔ yɛ́.

Zôo 42:7

Yii kɛa, Yai-Laa da Ɉobə di kpɛɛ a nonoi tii kɛɛ, yɛ Teman mun Elifazə ɓa: «Níí aa holi ə́ pɔ, ka ə́ ɓɛlaa hveelɛi, mąąhɔlɔɓo, ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə mo la.

Zôo 9:31

Yá bíli lɔ tulun ŋą. Mą́ą́ həɠəɠaa diɛ lənə mą́ą́.

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Azaya 58:5

Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Ɉeremi 31:19

Ŋą́ búlu tɔɔ kɛ yɛ́, kɛlaa, ŋą́ą́ ɉɔ́n mąą hvalin: Pənəi ŋą́ mo gɛ́ gbɔ́ɔ́ kɛ pələ kaa, ŋą́ kɛi níí pɔ kɛlɛ. Kwəi pili mąą da nwumɛ̨ daa ɉón. Mąąhɔlɔɓo, gáá nwɔ́ hulɔnon naai ŋį́ gulɔ, bulu mɔ̨nɔ̨ mįi.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Danîa 9:3

Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Levetekɔ 13:12

Kɛlaa, volóɲɔ̨n ɉu a kɛnɛ̨ nu kɔ́lɔ ɓa, yɛ ɓo gɔlɔ nąą kəlee, ə həɠə nwuɔ̨ ə həli la gɔwɔ ɓa, ɓɛi lɔpee ɉaláá laa həli mun ɲɛ̨i a həli laa,

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Zasua 7:6

Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.