Zôo 42:12 - Yálá laawoo hɛɓɛ (dc)

¹² Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Yálá laawoo hɛɓɛ

¹² Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Bible

¹² Nya ƃe Yâwɛɛ è lûwa làa Zôo ŋɔɣéniɛi gbɛɛ-ŋai ma é tɛ́ɛ duɛ-tuɛi ma. Zôo ŋɔtaa-tulɛ-ŋai dí nâa kɛ̀ a ƃála wála puu kao náaŋ (14,000), soo-fáleŋ wála lɔ́ɔlu mɛi da (6,000), da tíi kɛ́-niŋa siɣɛ wála feerɛ (2,000), é pɛ́lɛ wɛlɛ-sôo wála tɔnɔ (1,000) ma.

Zôo 42:12 Iomraidhean Croise

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 32:14

Ɉakɔbə ə yii gɛɛnąąi tii. Daatɛlɛɛɠaai kɛ ɲəi, ə niɛ Esau hąmą a da.

Zôo 1:10

Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Zôo 1:2

Ɉulɔnui ti lon ɉinąą di kɛ mɛ̨ihveelɛ, non nɛ̨ąą di ɓo haaɓa.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Zôo 8:7

Ə́ wɔ yɛnɛ̨ɛ̨ kɔ́wɔ tɔɔi a lɛɛ kpɔ tiikpə, Ə́ ɲąąkpɛɛi ə lɛlɛ kpɔ kɛnɛ̨.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Ikilisiati 7:8

Nu kɛ kóló laa kulɔi hviɛlaɓoɔi ə tɛɛ gɔwɔ tɔɔi ɓa. Nu liikpəlɛɛ hviɛlaɓoɔi ə tɛɛ huɲąŋą kɛnɛ̨mun ma.

Izikiɛ 36:11

Yɛi kɛ a nu kan, yɛ ə kɛ a taatɛlɛɛ, gáá pai di ɓuwu ɓoi ka mɛ̨i. Di kaa pai tamąi, diɛ ɓá. Ŋą́ pənə ŋą́ nu tamą ka hu, yɛ tɔlɔɔ tɔlɔɔ yələ; ŋą́ hɛn dɛɛ ka pɔ, ə tɛɛ gɔwɔ tɔɔi lɔwai ɓa. Nąąlɔwai, ka gili kɔ́lɔn kaa kɛ ɲą́ą́ ɓə gáá a Yai-Laa.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.