Zôo 42:11 - Yálá laawoo hɛɓɛ (dc)

¹¹ Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Yálá laawoo hɛɓɛ

¹¹ Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Bible

¹¹ M̀ɛni-ŋai ŋí kélee pôlu ma, Zôo ŋɔkáyɔɔ-ŋai kélee da diai kélee kɛ̀ a gɔ́lɔŋɔɔi, dí pà bɔ́naa a gɛɛ dí dílaa tí mà mɛni-ŋai Yâwɛɛ è gɛ̀ lai mɛni ma. Dí kúu kɛ̀ mà, díkelee dí sɛŋ-kao tɛ̀ɛ bɔ́ da gôo gbono-ŋa.

Zôo 42:11 Iomraidhean Croise

Zɛnɛse 24:22

Yii kɛa ɲɔ̨nwɔ̨mɛ̨ɛ̨ɠaa kəlee di di kpələ, ɉulɔnui tii ə gbono tɛɛ Rebeka pɔ ə ɓo a hɛni, mu wiaa, ɛlɛɛ, da yeeɓa kwɛli hveelɛ di ɓo a hɛni, gəlee hveelɛi mu wiɛ yee ə ɓo tanɔ̨n.

Zɛnɛse 24:53

Yili pulu, ə nwɔ tiɛ̨ɠaai laa hvólóon, mąąyili hɛnŋąą di kɛ ɉu a wali kwɛli, hɛni ɛlɛɛ, da həɠəɠaa; ə gəlee tɛɛ Rebeka pɔ. Ə hɛn gɔw kɛnɛ̨ tɛɛ Rebeka nee da niɛ hulɔnu di pɔ.

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Zôo 16:5

Kɛlaa, ŋį́ kɛ ka liilaa a nwóó, ŋį́ kɛi náálə́i tumo, yili yɛ ka hvaŋąlɔ.

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Zôo 4:4

nuąi kɛ lan bələ mɛ̨i, ə́ hvaa woo yɛ di hvilɛn pələ ɓa. Yiiɠaai di kɔ́wɔ ə kɛi kpɛlin di mu, yɛ́ hvaŋąlɔ tɛɛ di pɔ;

Hanwon 14:20

Nui hɛn və ɲəi, nwɛli a kpɛɛ nuą diɛ, ə mą kɛ mɛlanmun mə, hɛn gɔw ną́mu nwɛi, mɛlaa da tamą.

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Ɉaan 11:19

Ɉuifəɠaa tamąą di pa Martə da Mari di pɔ, ə gɛ, di di liilaa di mąąhulɔnu haa mɛ̨nį ɓa.

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Korɛntə dɔlɔɔ 12:26

Nu tɔɔ-tɔɔi ta a kɛli nwąną, mɛlaa kəlee da ɉu mɔ̨nɔ̨ mįi, dɔ̨nɔ̨ a kwəinɛ̨ɛ̨ hɔlɔɓo, nąą kəlee a kɛ gwəinɛ̨ɛ̨ hu.

Hebreu 12:12

Yili ɓa, yeeɠaa da kɔwɔɠaai di hvįikpɛɛ, 'ká di hvaŋąlɔ,

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Zasua 24:32

Ɉosɛfə kɔ́wɠaa tii Israɛlə lonnii di həɠə la Eziptə lɔi hu, di gɔwɠaa tii loo, díi tii wɔlɔ Ɉakɔbə ə ɲa Hamɔrə lonnii yəi a wali kwələ nwundɔ̨nɔ̨, nąą ɓə di noo laa. Hamɔrə ə kɛ a Sisɛmə nąn. Ɉosɛfə lonnii di gɛɛnąą tii hɔlɔɓo, a di kwɛlin da.

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.