Zôo 38:22 - Yálá laawoo hɛɓɛ (dc)

²² Yá ta həli ɓɛi kwɛlɛ kpuwulu puɔ laa gee mɛ̨i, da ɓɛi hanwon gbuwulu kaa la gee mɛ̨i, ya ta naa kaa?

Yálá laawoo hɛɓɛ

²² Yá ta həli ɓɛi kwɛlɛ kpuwulu puɔ laa gee mɛ̨i, da ɓɛi hanwon gbuwulu kaa la gee mɛ̨i, ya ta naa kaa?

Bible

²² “Ya tá lí ƃɛ́i ŋá kɔ́lɛ da sã́ɔ lâai kɛ̀ naai?

Zôo 38:22 Iomraidhean Croise

Zôo 37:6

A kɛ la hanwon dulɔ ɓa: «Pu lɔi mɛ̨i», yɛ tulɔ pu, gboloon yɛ laa.

Zôo 38:23

Diɛi ŋį́ di pɛli nuą mɔ̨nɔ̨ ɓo yələ mąą mɛ̨nį ɓa, a lamun kɔ́ yələ da kɔ́ kɔ́ yələ mąą mɛ̨nį ɓa.

Zôo 6:16

Di kaa yɛ ya yii hanwon dulɔ a kɛ tukpu-tukpu.

Mąątɛ̨nɛ̨ 135:7

Ə həɠə kpɔ lɔi kpɛlai pələ, a tulɔ kpinįnŋaa muhəɠə, tulɔ ə duwɔ, yələ gbąnąą ə ɓɛla, tulɔ yɛ pu, ə hvaŋąɠaa kulɔ ɓɛi ə di pu laa gee mɛ̨i.

Mąątɛ̨nɛ̨ 147:16

A tulɔ mąą pənə a luwú-luwú, yɛ nąląąn ɉuwia yɛ wiɛhunwɔ̨, yɛ daɠa.

Mąątɛ̨nɛ̨ 147:17

A hanwon gbuwulu kpɛa kpɛa pu, gbɛɛ ɓə nii a kpələi gwɛlɛ taaləi tii tɔwɔ?

Mąątɛ̨nɛ̨ 33:7

Ə gboloyá pili gee mɛ̨i, ə ɲɛ̨n naa, ə gboloyáɠaa lɛɠɛ gee ɓa ɓoloon gbɛa kpɛaɠaa hu.

Lɛɛ gbɔwɔ ɓa 9:18

Ə́ ɲɛ̨i hee laa, tinąą ɓɛlɔwai, gáá pai hanwon gbɛa-kpɛa pui ɓɛ nɔi, yii ɲɔ̨nwɔ̨n mąn və ta pu li, ə həɠə kpɔ Eziptə lɔi ŋɛ̨i kɔ́wɔ tɔɔ yələ ɓa, ə həli la háákələi ɓa.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Izikiɛ 13:11

Yili mąą mɛ̨nį ɓa, 'mo bɛlɛ́ tɛ-nuąi ti diɛ; yɛ́ diɛ: Tulɔ kɛnɛ̨ kaa pai, hanwon ɲɛ pu, ɛlɛɛ kaai ɲɛ̨́i a ɉanwon gbuɠuluɠaa ka káá pai pui, ɛlɛɛ tulɔ hvaŋą kaa pai mu həɠəi.

Izikiɛ 13:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: gáá pai tulɔ hvąŋą muhəɠəi a nííholi pələ kɛnɛ̨, ŋą́ líiholi kaa pai tulɔ ɉogbo ɉogbo pui, ŋą́ lii ɲą nwąną yɛ kɛɛ kala hanwon bu.

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

M̀ɛni-lɛɛi 16:21

Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.