Zôo 37:5 - Yálá laawoo hɛɓɛ (dc)

⁵ Yálá kaa tomąi, naa woo yɛ kpalo kulɔ, yɛ mɛ̨nį kpɛ-kpɛa kɛ a kwəi pili mąą.

Yálá laawoo hɛɓɛ

⁵ Yálá kaa tomąi, naa woo yɛ kpalo kulɔ, yɛ mɛ̨nį kpɛ-kpɛa kɛ a kwəi pili mąą.

Bible

⁵ Ɣâla a lòno, ŋ̀óo a kɛ̂ yɛ̂ɛ ŋ̀ele-gbana tíŋ, ǹyaŋ ya ŋ̀óo mɛ̀ni, a kɛ̂ a mɛni maa pɔlɔ-pɔlɔɔ. A mɛni kpaya-kpaya kɛ̀ nyii núu fa tarê zui.

Zôo 37:5 Iomraidhean Croise

Zôo 11:7

Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Zôo 36:26

Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Zôo 37:14

Ə́ wəli tɔɔ nwooi ti ɓa Ɉobə! Tɔɔ tai, ə́ Yálá nwɔ kpalo mɛ̨nįɠaa kaa,

Zôo 37:16

Ə́ tulɔ kpinįn ɉee pələ kɔ́lɔn? Ə́ mɛ̨nį kɔ́lɔn gili kpɔɔ kpɔɔ kɔ́lɔn?

Zôo 37:2

'Ka ka wəli tɔɔ! 'Ka ka wəli tɔɔ Yálá hvaa woo ɓa, a domą wooi kulɔi na.

Zôo 37:4

Yálá kaa tomąi, Yálá kaa tomąi nwɔ mąąwiɛ hu, ɛlɛɛ, hvo ɲee kɛi mąną-mąną ɓa.

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Zôo 5:9

Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Zôo 9:10

Ya ɓə hɛn gbɛa-gbɛaɠaa pɛli, yii nu kili hva gbaɠala kaa, nwɔ kpalo mɛ̨nįɠaai a gɛ, nu hva pɛli gəlee kwɛdɛn ɉii.

Mąątɛ̨nɛ̨ 18:14

Yai-Laa ə lɛɛ yələkɔlɔn ɉu, ə yələgbąnąą ɓɛla, Hɛn Gəlee Nąmu ə hvaa.

Mąątɛ̨nɛ̨ 29:3

Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun