Zôo 37:24 - Yálá laawoo hɛɓɛ (dc)

²⁴ Yili mąą mɛ̨nį ɓə nu kanŋaa da ɲɔw la ma, Kɛlaa nwɛi, nuąi da di kpɔɔ kɛ a mɛ̨nį kɔ́lɔn nuą hva yili ta ɓo.

Yálá laawoo hɛɓɛ

²⁴ Yili mąą mɛ̨nį ɓə nu kanŋaa da ɲɔw la ma, Kɛlaa nwɛi, nuąi da di kpɔɔ kɛ a mɛ̨nį kɔ́lɔn nuą hva yili ta ɓo.

Bible

²⁴ M̀ɛni ma nûa da yâo m̀a. Ǹúui kélee a gbîŋ sìɣe a táre-nuui, Ɣâla fa ǹyée sèe mu.”

Zôo 37:24 Iomraidhean Croise

Zôo 5:13

Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Mąątɛ̨nɛ̨ 33:8

Lɔi nąą kəlee ka ɲɔw Yai-Laa ɓa, yɛnɛ̨ɛ̨ nuą kəlee diɛ kpɛlin dɔwɔ.

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Azaya 5:21

Kpalo ɓɛlaai diɛ, da di kpɔwɔ kaa a kilimąą nuą, diɛ di kpɔwɔ kaa di kwəi pələ, a mɛ̨nį kɔ́lɔn nuą.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Zôna 1:16

Nąąlɔwai, di kəlee di ɲɔw kpɔ kɛnɛ̨, di nɛ̨ɛ̨mą di haláá kulɔ Yai-Laa ɓa, di di woo kwɛlɛ mą a di nwąnąi.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Korɛntə dɔlɔɔ 1:26

Ną́n nonnii, káá kpinįi ka ká kpɔwɔ kaa tai, a káái Yálá aa ka təlii: Nuąi di kaa nuą ɲɛ̨i ɓa a kilikɛɲəi nuą, di hvo tamą li ká lɔwai, ə mą kɛ, nu kpɛa-kpɛaa, ɛlɛɛ, laa kɛnɛ̨ nąmįną di hvo tamą li ká lɔwai.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»