Zôo 36:7 - Yálá laawoo hɛɓɛ (dc)

⁷ Hva ɲɛ̨i həɠə tələnmo nuą mɛ̨i. A di hee tɔɔ kpəlin ɉu, a di hee laa, ə gɛ, di wɔ tɔɔlaai ə lamun ɉu, Kɛlaa, da di kpɔɔ ɲąą kɛnɛ̨.

Yálá laawoo hɛɓɛ

⁷ Hva ɲɛ̨i həɠə tələnmo nuą mɛ̨i. A di hee tɔɔ kpəlin ɉu, a di hee laa, ə gɛ, di wɔ tɔɔlaai ə lamun ɉu, Kɛlaa, da di kpɔɔ ɲąą kɛnɛ̨.

Bible

⁷ Diai da Ɣâla wóo mɛ̀ni díkɛ ŋ̀aa see kɛ̀i, a dímaa kɔ̃̂ɔ. A ƃaa kɛ́-maa tɛ̀ɛ dípɔ é dí sée kâloŋ see-sɛŋ-ŋa ŋá wɔ́lɔ-wɔlɔ da wɔlɔ-wɔlɔ.

Zôo 36:7 Iomraidhean Croise

Zɛnɛse 23:6

«Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Zôo 22:29

Ə mą kɛ nuą ɓə daa too, ya pɛli di muhəɠəi, mąąhɔlɔɓo, nui a nwun mąą yɛɛ, a muhəɠə.

Zôo 31:4

Yálá hvo mɔ̨ɔ̨ dúwɔ́ pələ kaai? Hva mɔ̨ɔ̨ kɛ gɔ́wɔ́ hvilɛn ɉii tɛitɛi lonoi?

Zôo 4:7

Ə́ kiliŋąhiɛ tai! Yáá ta tələnmomun gaa, da nuąi hɔn və diɛ, kpalo yɛ ɓɛla diɛ?

Zôo 42:12

Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Zôo 5:11

Nuąi daa di mąąyɛɛ, a di mąątɛ; ə gɛ mąąwɛli nuą nwun mąą yɛ pɛli ɓoi.

Mąątɛ̨nɛ̨ 33:16

Kɔlaɠa kɛnɛ̨ hvəi a tɔɔmun nwun gulɔ mɛ̨nįi, huwalawalalaa kɛnɛ̨ hvəi a kuláá kulɔ mɛ̨nįi.

Mąątɛ̨nɛ̨ 33:18

Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Mąątɛ̨nɛ̨ 34:16

Yai-Laa a ɲɛ̨i lɛlɛɛ hee tələnmo nuą diɛ, nwəli tɔɔ di woo ɓa.

Mąątɛ̨nɛ̨ 41:12

Bələi ŋą́ ə́ wɔ wɛlikɛmąąlaa kɔ́lɔn na, bələ ka, ya ɓaa, ɲówó a wala lɔ kɛa bilinmo mɛ̨́i.

Azaya 22:23

Gáá pai gbanwoi yɛ wulukpiɛn, lɔi wala wala hu yɛ kɛ a nąn nwɔ pɛ́lɛ́i ɲɛ̨i pɔ̨nɔ̨ tɔɔkpəlin.

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Tɛsalonikə veelɛ 3:3

Gu Ną́mu a kulɔ nwoo ɓa, ya ɓə pai ká hvaŋąlɔi, yɛ ká mąąkɔ̨nwɔ̨ mɛ̨nį ɲɔ̨n ɲəi.

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.