Zôo 36:26 - Yálá laawoo hɛɓɛ (dc)

²⁶ Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Yálá laawoo hɛɓɛ

²⁶ Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Bible

²⁶ Ɣâla kɛ̂tɛi kpɔ́ a maa pɔlɔ-pɔlɔɔ. Kúfa pɔ̂ri târei m̀aa mɛ̂ni su. Kúfa pɔ̂ri Ɣâla ŋɔpɔlɔ-pɔlɔ-laa lɛ̂i.

Zôo 36:26 Iomraidhean Croise

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Zôo 10:5

Ə́ wɔ yɛnɛ̨ɛ̨ hu kpuaa mɔ̨ɔ̨ yɛ nu kan nwɛi? Ə́ wɔ kwɛlanŋąą di ɓo yɛ nu kanŋaa?

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Zôo 36:25

Yɛnɛ̨ɛ̨ nuą kəlee da gaa a di ɲɛ̨ikɔw, nu kanŋaa diɛ nɛɛ kwɛa la, diɛ mąąkpɛɛ.

Zôo 36:27

Ya ɓə a yá yala bɔ pələ, yɛ ɉu kpɛ, yɛ gɛ a tulɔ,

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 37:5

Yálá kaa tomąi, naa woo yɛ kpalo kulɔ, yɛ mɛ̨nį kpɛ-kpɛa kɛ a kwəi pili mąą.

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Korɛntə dɔlɔɔ 13:12

Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

Hebreu 1:12

Ɛlɛɛ, bələi da gɛ la a biliɉu, bələ ɓə ə́ kaa pai gɛi la a diɛ, bələi da həɠə mąąhvalin na, bələ ɓə yá di mąąhvalin na. Kɛlaa, ə́ wɛi, ə́ mąą hva hvalin, ə́ wɔɔ yɛnɛ̨ɛ̨, ɲɛ̨n deei hvo mą.»

Piɛrə veelɛ 3:8

Nwɛ́li kɛ mąą nuą, mɛ̨nį tɔ̨nɔ̨ ɓə gaa ɉu, yii mąą hvo nɛ̨ɛ̨li ka hvo lɛ̨ą ma, ya ɓaa: Ną́mu Yálá ɲɛ̨i ɓa, hvóló tɔ̨nɔ̨ kaa a kwɛlan nwaa tɔ̨nɔ̨, kwɛlan nwaa tɔ̨nɔ̨ yɛ ɓo a hvóló tɔ̨nɔ̨.