Zôo 34:22 - Yálá laawoo hɛɓɛ (dc)

²² Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Yálá laawoo hɛɓɛ

²² Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Bible

²² Kɛ́lɛ kpíni sîi da fé naa nyii a pɔ̂ri gɛ̂i Ɣâla fa pɔ̂ri núu kâai a kɛ̀ mɛni nyɔ́mɔɔ kɛ̂i.

Zôo 34:22 Iomraidhean Croise

Samia Veerɛi 12:12

Ə́i wɛi kɛ loo hu, kɛlaa gáá pai mɛ̨nįi tii kɛi a yɛ́, Israɛlə nuą kəlee ɲɛ̨i ɓa hvóló ŋa.›»

Zôo 10:14

ə gɛ ŋį́ mɛ̨nį ɲɔ̨n da wolo kɛ kpɔlɔ, ə́ ɉón na, ə lɛɛ, hvo ə́ kili kulɔ li ɉɔ́n lɔpee ta hu.

Zôo 10:21

Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Zôo 11:20

Nu ɲɔ̨nwɔ̨ɔ̨ɠaa di wɛi, di ɲɛ̨i kaa pai paai. Di hva di mąąkilɛi hɔlɔɓo. Yii lɔ da di kilitɔɔ mą, ya ɓaa di haa mɛ̨nį.

Zôo 12:22

Yɛ ɲąmuątaa nwɔ kpinįi kulɔ ɲəi, yii nooɔ kɛ, yɛ gulɔ pɔ̨nɔ̨ŋa.

Zôo 22:13

Yá kɛ diɛ: «Lə ɓə Yálá ə gɔlɔn? A pɛli mɔ̨ɔ̨ ə kiti tee tulɔ kpinįn bulu?

Zôo 24:17

Di wɛi, yələ a kɛi ɓɔ, gaa yɛ haa a kɛi too, too mɛ̨i kɛ mun niiɓa ɓaa kpinį pɛlɛɛ.

Zôo 3:13

Kɛlɛɛi, yɛ mą gáá kɛa laani, nwə́li pulu laɠiɛ gáma hu. Ŋą́ kɛ kɛ yii, gɛ́ ɲą́ą́nɛ̨ɛ̨n gulɔ nwɔ́ hvįįtɔɔ hu.

Zôo 3:5

Tɛɛhilɛ kpinį ə volói ti mɛ̨i kpulu, Tulɔ kpiliɠilin ə volói ti ɲɛ̨i paa. Volói ti hu ə tɛɠi yɛ ɲąąlee a ɲąnin ɉon.

Zôo 31:3

Kɛlɛi kilikpɛɛgwəi nuą hvɛla lɔ ɓaa nwun na pili-ee? Ɛlɛɛ, mɛ̨nį ɲɔ̨n gɛ nuą di wɛi ə ɓo a ɓɛlɛkpɛɛ mąą?

Zôo 38:17

Daa ta haa yəi bɛlɛ́ laaləi lɛ yɛ́? Yáá ta haa nwɔ kpinįi yəi bɛlɛ́ laaləi kaa?

Mąątɛ̨nɛ̨ 5:5

Hvó a Yálái mɛ̨nį ɲɔ̨n nwɛli kaa mąą, nwąnąlɔmun hva ɉeei ɉɔlɔɓo ə́ pɔɔli.

Hanwon 10:29

Yai-Laa kaa a tələnmo nuą di wɔ huwalawala, yɛ ɓo a nwąnąlɔ nuą di wɔ nwun na pili.

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Azaya 9:2

Yáá di wɔ kwəinɛ̨ɛ̨ hu kɛnɛ̨, yáá ɓələn doo di ɉu, di kaa pilii yələi a kwəinɛ̨ɛ̨ ə́ lííla, yɛ bələi da kwəinɛ̨ɛ̨ kulɔ la a mɔ̨nun deei yələ, diɛ tómą a kwəinɛ̨ɛ̨, yɛ bələi da kɛ kɔ́ hon ɲąąkwɛlɛi la.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Maafîu 7:23

Nąąlɔwai, ŋą kɛ diɛ: ‹Və́ ka kɔ́lɔn! Ka ka mąą kwɛa mą́ą́ ka mɛ̨nį ɲɔ̨n gɛ nuą ŋɛ̨i.›»

Lukə 13:27

A pənə ə mo kaa nwɔ̨nɔ̨ a nįnɛ̨, yɛ kɛ kaa: ‹Ɓɛi ka həɠə laa, və́ nąą kɔ́lɔn, ka ka mąą kwɛa mą́ą́, ka mɛ̨nį ɲɔ̨n gɛ nuą ŋɛ̨i.›

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.