Zôo 33:22 - Yálá laawoo hɛɓɛ (dc)

²² A kɛ ti, nwɔ yɛnɛ̨ɛ̨ ə ɓo lɔ kɛa lɔwa wəli la, yɛ nwɔ yɛnɛ̨ɛ̨ kɛ, nu nwun na pili hɛnŋąą yee kɔ́n mą.

Yálá laawoo hɛɓɛ

²² A kɛ ti, nwɔ yɛnɛ̨ɛ̨ ə ɓo lɔ kɛa lɔwa wəli la, yɛ nwɔ yɛnɛ̨ɛ̨ kɛ, nu nwun na pili hɛnŋąą yee kɔ́n mą.

Bible

²² Saa a nâa lɛ̀ɣɛ la, gɛ́ nâa lɛ̀ɣɛ a m̀olôŋ.

Zôo 33:22 Iomraidhean Croise

Samia Veerɛi 24:16

Malaka ə ɲee haŋą Ɉerusalɛmə taa mɛ̨i pələ, yɛ kɛ ə ɉu nuą nwun na pili. Kɛlaa, Yai-Laa hvo kɛa hvaa mą yili hvo kɛ. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́.» Yai-Laa nwɔ malaka ə kɛ tɔɔni Ɉebusə mun Arauna nwɔ mɔ̨nun dan ɉii kwɛlɛ.

Zôo 15:21

Maa ɲɔw wooɠaa da too lɔ nwəlii a yələ kəlee, ɓɛlɔwai lɔ a liilaa yɛnɛ̨ɛ̨ hɔlɔɓo la, kɛlɛi nąąlɔwai, ɓə mɛ̨nį kalamun a wolo la ma.

Zôo 17:1

Nɔ̨́ɔ̨ kaa kpɛɛi ɉu, ɲíi hvóló yɛ kpɛɛ. Gáma laa a tɔɔ.

Zôo 33:18

Bələ ɓə a di mąą kpɛ la haa yəi, əlɛɛ yɛ di wɔ yɛnɛ̨ɛ̨ mąą kɔ́nwɔ la kpala tɔwɔ.

Zôo 33:28

Aa nwún mąąɓo kámą yəi, nwɔ́ yɛnɛ̨ɛ̨ yɛ pɛli kɛɛ pono hɔlɔɓoi.»

Zôo 7:7

Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Mąątɛ̨nɛ̨ 107:18

di wɔ túwɔ́ pələ ɲɔ̨nŋaa daa kɛ di kulɔ di wului, kɔ̨nɔ̨n gəlee kun aa hee di hu, di ɓo haa wolo la.

Mąątɛ̨nɛ̨ 17:4

Gɛ́ túwɔ́ yɛ nuąi, di hvilɛn ŋąą ə́ hvaa woo pulu, mɛ̨nįɠaai ə́ mo, ŋą́ hvilɛn di pulu.

Mąątɛ̨nɛ̨ 30:3

Yai-Laa nwɔ́ Yálá! Ŋą́ tomą ə́ pɔ pələ, yɛ́ ɓə málo.

Lɛɛ gbɔwɔ ɓa 12:23

Yai-Laa, kaa pai tɛɛi ə Eziptə kɛlɛ, a ɲąmą kaa bɛlɛ́ laaləi mɛ̨i da gwɛlɛ hveelɛi ɓa, a tɛɛ bɛlɛ́ laaləi, hva hvaa mą, Kɛɛkalamun hvo nąą kala.

Azaya 38:10

Ŋą́ kɛi kɛ diɛ: «Ŋą́ą́ lɛɛ kpɔlɔ həlii nwɔ́ yɛnɛ̨ɛ̨ ɲąą nɛ̨ɛ̨ ɓa, gɛ́ li! Gɛ́ lii haa nuą pɔtaai, gɛ́ kɛa pa lɛɛi laa, gɛ́ nwɔ́ kwɛlan gbəli kɛ laa!

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.

M̀ɛni-lɛɛi 9:11

Di nwun nąmui kɛ diɛ, ya ɓaa a nowa kpon ɉu gweaa malakai da kɛ mą Hebreu woo hu: Abadɔn, ɛlɛɛ, Grɛkə woo hu di kɛ mą: Apɔliɔn. (Naai tii mukulaa ɓaa: «Kɛɛ kalamun»).

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.