Zôo 32:8 - Yálá laawoo hɛɓɛ (dc)

⁸ Kɛlaa, tɛ̨ą kili kaa nu hu, Ya ɓaa: Huwalawala Kəlee Nąmu Yálá nwɔ Kilii.

Yálá laawoo hɛɓɛ

⁸ Kɛlaa, tɛ̨ą kili kaa nu hu, Ya ɓaa: Huwalawala Kəlee Nąmu Yálá nwɔ Nįį.

Bible

⁸ Gáa a tɔ̃yâ a gɛɛ núu kélee táreɛ̂ɛi. Kɛ́lɛ a dárei ŋí sɔlɔ ƃô Ŋ̀wála-wâla kélee Ɣalai yêei.

Zôo 32:8 Iomraidhean Croise

Zɛnɛse 41:38

Tɔɔmun yɛ ɲee pɔ nuą diɛ: «Yálá nwɔ Kilii kaa nui ŋɛ̨i yəi, a kɛ tii, gwa nɛɛ laa, gwa pɛli kɛa nu takpɛli hɔlɔɓoi ə tɛɛ yaa ŋɛ̨i mą?»

Zɛnɛse 41:39

Tɔɔmun yɛ Ɉosɛfə ɓa: «Yɛ bələi Yálá kpinįi aa mɛ̨nį loɔi ŋɛ̨i lɛ la yɛ́, nu takpɛli hvo ku yəi yii kili kaa mą ə tɛɛ yɛ́.

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Tɔɔɓɛlaa dɔlɔɔ 5:9

Yálá ə kili da nwun gɛ ɉu laa tɛɛ Salomɔn pɔ kpɔ a ɉu kɛnɛ̨, mɛ̨nįi a nu kwəi pili mą gbaŋala kaa laa walaa, gulɔ nɔwai kɛ laa walaa yɛ gboloyá kwɛlɛ ɲɛ̨ą kɔ́w.

Zôo 12:13

Kɛlaa, kili mɛ̨nį da mɛ̨nį kɔ́lɔn ŋąą di kaa a Yálá nwɔɔ. Liɛwoo da kili kɛ ɲəi di ɓo a nwɔɔ.

Zôo 12:16

Hvaŋą da nwun na nɛ̨ɛ̨, di kaa bɔɔ ŋą. Nui daa ɉəɠə pələ mɛ̨i, da nui ɉəɠə bələ mɛ̨i, di kəlee di kaa Yálá yəi.

Zôo 27:3

Yii kpɔ gáá nii nɔ̨ɔ̨ ɉii, nɔ̨ɔ̨i Yálá ə doo ɉú, yii kpɔ gaa ni kulɔi ɉúnwɛi,

Zôo 33:16

Nąąlowai, a nu kanŋąą wəli laa ɓo, nąąlowai, yɛ pələ haŋa, yɛ mo diɛ,

Zôo 33:4

Yálá nwɔ nɔ̨ɔ̨i ə doo ɉú, ya ɓə gɛ, gɛ́ kɛ yɛnɛ̨ɛ̨.

Zôo 35:11

Yaai a gu kili tɛɛ huwɔɠaa di wɛi ɓa, yɛ nu kili tɛɛ yələi nwɛ̨nįɠaa diɛ?»

Zôo 38:36

Gbɛɛ ɓə a ya hvɛɛ mɛ̨nį lɛɛ kwɛa la, yɛ gbaɠala lɛ nwɛ̨nį ɓa? Gbɛɛ ɓə yələ ɓɔi gɔlɔn gili tɛɛ tɛ́ɛ́hilɛ pɔ?

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Hanwon 20:27

Nu nɔ̨ɔ̨ kaa a Yai-Laa nwɔ wulɔ nwɔ̨n, a nu kɔ́wɠaa kəlee hu kaa.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Azaya 28:26

Yaan bələi mąąnɛ̨ɛ̨ ə gɛ la, nwɔ Yálái ɓə a bələ lɛ mą; yɛ mąąkwɛli mą.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Timote veelɛ 3:16

Ɉɛɓɛ́ mąąhəɠɛɛ hu wooɠaa kəlee di həɠə Yálá pɔ, da pɛli nu mąąkwɛlii, diɛ nu ɲąątɔɔ a mɛ̨nį lɛlɛɛ kɛɛ, diɛ nu hutɔɔ, diɛ nu hvilɛn tələnmo pələ mɛ̨i,

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.