Zôo 32:21 - Yálá laawoo hɛɓɛ (dc)

²¹ Və́ pai tɔɔi nu ta pulu, Və́ pai nu ta ɲąątɛi.

Yálá laawoo hɛɓɛ

²¹ Və́ pai tɔɔi nu ta pulu, Və́ pai nu ta ɲąątɛi.

Bible

²¹ Ḿve pâi tɔɔ̂i núu da pôlu. Ḿve pâi núu da mu tɛ̂i a ńa-woo folo.

Zôo 32:21 Iomraidhean Croise

Samia Veerɛi 14:17

Ə́ wɔ tínɛ̨ɛ̨nui yɛ: ‹Yálá ə gɛ, nwɔ́ mɛ̨nį nąmu tɔɔmun vaa woo ə pa bɔ́ a liilaa. Mąąhɔlɔɓo, nwɔ́ mɛ̨nį nąmu tɔɔmun gaa yɛ Yálá nwɔ malaka, ə mɛ̨nį lɛlɛɛ kɔ́lɔn, ə ɲɔ̨nwɔ̨ɔ̨ kɔ́lɔn.› Yai-Laa ə́ wɔ Yálá ə kɛ ə́ pɔ.»

Samia Veerɛi 14:20

Mɛ̨nį tii hon bələ maahvaalən mɛ̨nį ɓə, ə́ wɔ tímun Ɉoabə ə mɛ̨nįi kɛ la. Nwɔ́ mɛ̨nį Nąmu kaa a kili ma mun, gili kaa ɲəi yɛ Yálá nwɔ malaka. Mɛ̨nįi kpɔ gaa a ɓɛ lɔi mɛ̨i, ə gəlee kɔ́lɔn.»

Zôo 13:10

A pɛli kɛ haŋąi kaa a tɛ̨ą, yɛ kaa ka kwəi loo mą́ą́.

Zôo 13:8

Ya ɓə ka káá tɔɔi bulu? A kɛ ti Yálá ɓə mɔ̨ɔ̨ ka káá hvaai a naa?

Zôo 32:20

Mąąnɛ̨ɛ̨ ŋį́ hvaa, ə gɛ ŋį́ vinna kulɔ. Gáá pələ həɠəi, ŋį́ ə́ woo pulu pənə.

Zôo 32:22

Hɔlɔmun, və́ wəlɛɛ nu ɲąątɛ, a wala kɛ ti, Bɛ́limun a pɛli kɛ nwún na pilii.

Zôo 33:3

Nu kaa pai mɛ̨nį kɔ́lɔn nwooɠaa ɓoi yɛ́, tɛ̨ą haŋąą ɓə náá wulunŋąą kaa pai moi.

Zôo 34:19

Yaai hva tɔɔmun non viɛlaɓo nu takpɛliɠaa diɛ, ə lɛɛ, hva hɛn gɔw nąmu hviɛlaɓo yeehvowolomun ma, mąąhɔlɔɓo, nwɔ pɛli hɛnŋąą ɓaa gəlee.

Mąątɛ̨nɛ̨ 82:2

Yɛ kɛ diɛ: «Ka ka pai lɛɛi kiti teei a hvúlu, ə lɛɛ ɉu lə yələ, Kaa tɔɔ hɔn mąą nuą pulu?

Hanwon 24:23

Kilimąą nuą hvaa woo ta lɔ ka: Kiti teɛ a ɲɛ̨ikɔlɔn, hvo lɛlɛ li.

Hanwon 28:23

Nui a tɛ̨ą ɓo mɛlan ma, a ɉutɔɔ, yili viɛlaɓoɔi, ə tɛɛ la nui a nɛ̨ɛ̨i gwɛli mɛlan ɲəi a laa nɛ̨ɛ̨ mąą, ɓa.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Dutɛrɔnome 1:17

Ka hvo kiti tee a ɲɛ̨i kɔ́lɔn. Ka lokolo woo mɛ̨n nɔ yɛ bələi ka nu kɛnɛ̨ woo mɛ̨n na. Ka hvo ɲɔw nu ta ɓa. Mąąhɔlɔɓo, kiti mɛ̨nį kaa a Yálá yəi mɛ̨nį. Mɛ̨nį ta a walawala ka yəi, ka ɉukulɔ lɔ mą́ą́, ŋį́ gbaɠala kaa.»

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.