Zôo 31:3 - Yálá laawoo hɛɓɛ (dc)

³ Kɛlɛi kilikpɛɛgwəi nuą hvɛla lɔ ɓaa nwun na pili-ee? Ɛlɛɛ, mɛ̨nį ɲɔ̨n gɛ nuą di wɛi ə ɓo a ɓɛlɛkpɛɛ mąą?

Yálá laawoo hɛɓɛ

³ Kɛlɛi kilikpɛɛgwəi nuą hvɛla lɔ ɓaa nwun na pili-ee? Ɛlɛɛ, mɛ̨nį ɲɔ̨n gɛ nuą di wɛi ə ɓo a ɓɛlɛkpɛɛ mąą?

Bible

³ Tɔ̃yâ ma, Ɣâla a ŋ̀wana-lɔ̂ɔ-ƃelai kɛ̀ dímɔ̃lɛ, é mɛni kpɔ̂lu láa dîa.

Zôo 31:3 Iomraidhean Croise

Samia Veerɛi 18:10

Nu ta ə gaa hɛlɛn ni, ə pa yɛ Ɉoabə ɓa: «Ŋą́ą́ Absalɔn kaa hɛlɛn ni wulu ta ɓa.»

Zôo 18:12

Yaai kɛ a hvaŋą nąmu, ya ka pulu aa mɛlɛkpɛɛ mą, laanɔ̨nwɔ̨ aa lɛɛ bɔ.

Zôo 20:29

Mɛ̨nįi Yálá a ɉee mɛ̨nį ɲɔ̨n gɛ mun dɔwɔ, yaa li, gwɛlin Yálá a dɛɛ ɓɔ, yaa li.

Zôo 21:17

A kɛ ti, yələ kəlee ɓə mɛ̨nį ɲɔ̨n gɛ nuą di wɔ kpalan a luwun na? Di wɔ mɛ̨nį ɲɔ̨n gɛɛ a too di mɛ̨i? Yálá nwɔ liiholii a di yəi hɛn gəlee hukala?

Zôo 21:30

Mɛ̨nį ɲąąnwąnąą yələ, mɛ̨nį ɲɔ̨n gɛ mun maahvaa a lɛɛ, Yálá nwɔ líiɲąnwąną yələ, di ɓo di kwəinɛ̨ɛ̨ hu.

Zôo 31:23

A tɛ̨ą, Yálá nwɔ mɔ̨nɔ̨i aa mą́ą́ ɲɔw, Vá pɛli kɛ mɛ̨nį ta kɛi nwɔ kɛnɛ̨ laa lííla.

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Mąątɛ̨nɛ̨ 55:23

Yɛ́ tiɛ̨i tɛ Yai-Laa nwuɔ̨, ə ə́ laa hon mu, yɛ ə́ hvąŋąlɔ, hva tələnmomun nɛɛ laa, a yələ ta, hvo too.

Mąątɛ̨nɛ̨ 73:18

A tɛ̨ą, yáá di tɔɔ nįmįnįn bələ mɛ̨i, yɛ́ pa di pilii nwun na pili kɛɛnąą.

Hanwon 1:27

A ɲələi ɲɔw a pu la ka mɛ̨i, yɛ tulɔ hvaŋą, kpalo yɛ ɓɛla kaa yɛ ɉigilin, a ɲələi ka kwiɛn na a mɔ̨nɔ̨ da liikələn gwəi.

Hanwon 10:29

Yai-Laa kaa a tələnmo nuą di wɔ huwalawala, yɛ ɓo a nwąnąlɔ nuą di wɔ nwun na pili.

Hanwon 21:15

Mɛ̨nį kɛɛ a tɛ̨ą kaa a tələnmomun gwəinɛ̨ɛ̨ mɛ̨nį, Kɛlaa, a nwąnąlɔmun mąą ɲɔw.

Azaya 28:21

A tɛ̨ą, Yai-Laa kaa pai muhəɠəi a líiɲąnwąną, yɛ bələi ə gɛ la Perasimə yee ɓa, gaa pai vaŋą həɠəi, yɛ bələi ə gɛ la Gabaɔn yɛɛkɔ́wɔi, ɲɔ̨nwɔ̨ yee ə tɛɛ yili ɓa, lə kwəi pilimąą ɓəi! Nwɛ̨ą mɛ̨nį ka.

Lonon mo 16:30

Kɛlaa, Yai-Laa a kpalo mɛ̨nį ta kɛ, lɔi ə naa ɓo, ə di kpələ diɛ da di yəi hɛnŋąą kəlee, di lɛɛ a di hvulú diɛ yɛɛ ɲąmuą-taa, ka kili a pu ɉu kaa kɛ nuąi ŋɛ̨i di tɛɠɛɓo Yai-Laa hu.»

Maafîu 7:13

«'Ka lɔ bɛlɛ́ laaləi logolo ɓa. Mąąhɔlɔɓo, bɛlɛ́ laaləi kɛnɛ̨ kaa a pələ yii ɉu hiɛɓo laa nɛ̨ɛ̨. Kɛlaa, a nu nwun napili; bələ yili ɓə nu tamąą da ɉon na.

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Nwun mąąɓo 9:53

Nąąlɔwai, kwɛni kpuwulu kɛnɛ̨ ta ə kɛ laa, nɛ̨ɛ̨nu ta ə ɉəɠə, ə doo Abimelɛkə nwun ma, ə nwun nwolo la.