Zôo 31:14 - Yálá laawoo hɛɓɛ (dc)

¹⁴ Yálá a muhəɠə, lə ɓə ŋą́ gɛ́? A mą́ą́ləngɛ, ŋą́ kɛ mą lə?

Yálá laawoo hɛɓɛ

¹⁴ Yálá a muhəɠə, lə ɓə ŋą́ gɛ́? A mą́ą́ləngɛ, ŋą́ kɛ mą lə?

Bible

¹⁴ À kɛ̀ ḿve tûa-ni a dia a ǹɛ́lɛɛ, gɛ̀ ní Ɣâla a pà ŋá mɛnii ŋáteêi, ŋa pâi kɛ̂i ma lé?

Zôo 31:14 Iomraidhean Croise

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Zôo 31:15

Nui lɔ bɛ́li néé kwəi, kɛlɛi yaa lɔ ɓə di pɛli, kɛlɛi Ɲálá tɔ̨nɔ̨i ti lɔ ɓə ku pɛli?

Zôo 9:32

Mąąhɔlɔɓo, hvo a nu yɛ ɲą́ą́, Vá pɛli hea tooi na, ɛlɛɛ, kwa yaa kuɔ pɛli lii kiti haɠa ɓa.

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Mąątɛ̨nɛ̨ 76:9

Yá lɛɛ yələ kɔ́lɔn ɉu, ə́ giti tee, lɔi ə ɲɔw, ə tɔɔ kpɔ kpɛ-kpɛ.

Mąątɛ̨nɛ̨ 9:12

'Ka gu wələ too, Yai-Laa ɓa, yai heeni Siɔn daai, 'ka gɛ mɛ̨nį kpɛa-kpɛaa hu kulɔ, lɔiɠaa diɛ.

Mąątɛ̨nɛ̨ 9:19

Yeehvolomun nwɛi, di hvo pai lɛ̨ąi mą, a yələ kəlee mɛ̨nį, mąąwɛlimun va gilitɔɔ lɔ mą kpɛli kpɛli.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Levetekɔ 25:43

Hvó ɉon a mɔ̨nɔ̨ ɓo pələ. Bələ ɓə mąąnɛ̨ɛ̨ ka ɲɔw la ka wɔ Yálái ɓa.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.

Markə 7:2

Yii kɛa di gaa diɛ Jesus nwɔ kalan nɛai taɠaa di kaa kɔ̨nɔ̨n mįi a di yee ŋą kpan (mukulaa ɓaa: di hvo di yei waa li yɛ pələi di wɔ huwula tɔ́n gaa la.)

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.