Zôo 27:2 - Yálá laawoo hɛɓɛ (dc)

² Yálái aa lənə nwɔ́ tɛ̨ą ɓoi naa hu, Huwalawala Kəlee Nąmu, yii náá hvɛɛi a liikələn gwəi, naa hu.

Yálá laawoo hɛɓɛ

² Yálái aa lənə nwɔ́ tɛ̨ą ɓoi naa hu, Huwalawala Kəlee Nąmu, yii náá hvɛɛi a liikələn gwəi, naa hu.

Bible

² “Ɣâla fé tûa-ni a ńyãa a ǹɛ́lɛɛ. Ŋ̀wála-wâla kélee Ɣalai a ǹíi ŋwána.

Zôo 27:2 Iomraidhean Croise

Samia Veerɛi 2:27

Ɉoabə yɛ mą: «A tɛ̨ą Yálá kaa a vulú! Akɛ ya wala kɛ hvaa, nuą ŋɛ̨i də li lɛɛ di kaayowoa kpɛi ə lɛɛ la ɉu tínąą yələ ə ɓɔ.»

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 18:15

Eli yɛ mą: «Akɛ Yai-Laa Mɛ̨nį Kəlee ŋą Hééɓomun ŋɛ̨i gáá tíi mą gaa a vulú; háákələi kpɔ-kpɔɔ Akabə a kələi gáá.»

Tɔɔɓɛlaa veelɛ 4:27

Nɛ̨ɛ̨nui ə tɛ ə həli Elise ɓa ɲee nwuɔ̨, ə pu Elise kɔ́wɔ mu, yɛ ɲee yɛɛ a Elise kɔ́wɔ. Gehazi ə lɛɠɛ laa yɛ kɛ ə ɲee kulɔ Yálá nwɔ nui kɔ́wɔ ɓa. Kɛlaa, Elise yɛ Gehazi ɓa: «Nɛ̨ɛ̨nui ŋɛ̨i lɛɛ laa, liihələn gwəi kɛnɛ̨ a hvə mą, Yai-Laa aa mɛ̨nįi tii loo mą́ą́, hvo nɛ li mą́ą́.»

Zôo 10:3

Ə́ kwəinɛ̨ɛ̨ mɛ̨nį ɓaa yɛ́ níí kələn gwə́i? Yɛ́ wɛli kpɛɛ mąą laa kulɔ a ə́ yee kɛ koló; Yɛ́ nu ɲɔ̨nwɔ̨ɔ̨ɠaa kɛ koló dɔlɔ kɛ mą?

Zôo 16:11

Yálá aa gwɛ́lɛ nu kpoloonŋąą diɛ, aa dɛ́ɛ́ nwąnąlɔ nuą pɔ.

Zôo 19:6

Ka gɔlɔn kaa diɛ Yálá ɓə aa nwɔ́ tɛ̨ą mɛ̨nį kpəlaan, aa nwɔ tumɔ kpəlaan a ɲą́ą́.

Zôo 23:16

Yálá aa nwɔ́ huwalawala hu kala. Huwalawala Kəlee Nąmu aa ɉú pu mą́ą́.

Zôo 34:5

Ɉobə ə mo, yɛ kɛ diɛ: «Ɉɔ́n və mą́ą́, kɛlaa, Yálá yɛ nwɔ́ tɛ̨ą mɛ̨nį kpəlaan.

Zôo 35:2

Ɉobə, gaa ə́ kwəi tɛ̨ą kaa ə́ pɔ, kɛi ə́ kaa moi diɛ: «Nwɔ́ mɛ̨nį haŋąą Yálá nwɛi ɓa,

Zôo 40:8

Hvo gɔlɔn yɛ́ kiti tee mun mąą ɲą́ą́? Ə́ kaa bɔ ə́ tɛ̨ą tɛɛ ə́ kpɔwɔ pɔ, ə́ gɛ́ a hɔn mąąmun?

Zôo 9:17

Yaai a pɛli ə ɉú ɓuwɔ a tulɔ hvaŋą. Yá mą́ą́ palaɠaa hu kɛnɛ̨ nwun və mą.

Zôo 9:18

Hva kpɛli nɛ́ɛ́ laa, və́ nɔ̨́ɔ̨ yala tanɔ̨n, kɛlaa, a náá hvɛɛ a mɛ̨nį ɲąąnwąnąą,

Azaya 40:27

Lə mɛ̨nį ɓə tii ya kɛ moi Ɉakɔbə, Israɛlə, yá tɔɔ pələ kɛ ləi yɛ́ kɛ diɛ: «Nwɔ́ pələi loɔi Yai-Laa ɓa, mą́ą́ mɛ̨nį ɲɛ̨i kulɔ mɛ̨nį hvo nwɔ́ Yálái ɓa.»

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Lonon mo 14:21

Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Rutə 3:13

Gu lɛɛ ɓɛ yələ ə ɓɔ, yələ a ɓɔi, akɛ mąą nui a pɛli ə́ mąą mɛ̨nį ɲɛ̨i kulɔi, a kɛ tii, mɛ̨nį lɛlɛɛ li. Kɛlaa, a wala kɛ bɔ hvo ə́ mąą mɛ̨nį ɲɛ̨i kulɔ, gáá nwóó kwɛlɛi yɛ́ Yai-Laa ɲɛ̨i ɓa, gɛ́ yɛ́: A wala pɛli mą, yii mąąnɛ̨ɛ̨ ŋą́ gɛ, ŋą́ yili kɛ, 'lɛɛ ɓɛ yələ ə ɓɔ.»

Samuɛlə dɔlɔɔ 14:39

A tɛ̨ą Yai-Laa Israɛlə nwun mąąɓomun, kaa a vulú, ə mą kɛ nón Ɉonatan mə nɛ̨ŋɛ̨n tii həɠə, a haa.» Nui lɔpee ta hvo nwoo pulu pənə.

Samuɛlə dɔlɔɔ 14:45

Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Samuɛlə dɔlɔɔ 20:21

Yili pulu, ŋą́ kɛ nwɔ́ tii mun: ‹'Li ə́ donwąɠaa kwɛli, ŋą́ kɛ nwɔ́ tii mun ma donwąɠaa kaa ə́ lííla pələ, yá pɛli pai a ə́ líílaa yɛ›, a kɛ tii mɛ̨nį ta hvo laa a ɲɔ̨nwɔ̨ɔ̨; a təɲaa kpɔ Yai-Laa ə báá.

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Samuɛlə dɔlɔɔ 25:34

Kɛlaa, a tɛ̨ą, yii kpɔ Yai-Laa Israɛlə nwɔ Yálái kaa a vulú, hvo hvaa mą və́ mɛ̨nį ɲɔ̨n gɛ a yɛ́, yai kpəɲąn dɔ́wɔ́, yá wala kɛ pa hvo náákwiɛn, tínąą yələ wala pɔ, hɛn nɔpee ta hvo li lɛɛ Navalə yəi bɛlɛ́n a vulú, yii a nwɛlaa tɛ pɛlɛ́ ɓa.»