Zôo 24:23 - Yálá laawoo hɛɓɛ (dc)

²³ Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.

Yálá laawoo hɛɓɛ

²³ Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.

Bible

²³ Ɣâla a gɛ̀ dí gáa yɛ̂ɛ sɛŋ ƃe a dí mɛi kâai, kɛ́lɛ a kɛ̂ dítûa-pere kélee maa kpɛɛ̂i.

Zôo 24:23 Iomraidhean Croise

Zôo 10:4

A kɛ ti nu ɲɛ̨ikɔw ɓə yɛ́? Yɛ́ kɛɛ kaa yɛ bələi nu kan a kɛɛ kaa la?

Zôo 11:11

Mąąhɔlɔɓo, nwɛi ə lɛɛ nuą kɔ́lɔn, hva lamun giliŋąhiɛi, yɛ mɛ̨nį nwɔ̨n gɔlɔn.

Zôo 12:6

Nu paa nuą di wɔ pɛ́lɛ́i kaa liilaa hu. Nuąi da Yálá lii kələn gwəi, di ɓo liilaa hu. Diɛi di wɔ Yálá lɔ ɓaa di hvaŋą.

Zôo 31:4

Yálá hvo mɔ̨ɔ̨ dúwɔ́ pələ kaai? Hva mɔ̨ɔ̨ kɛ gɔ́wɔ́ hvilɛn ɉii tɛitɛi lonoi?

Zôo 34:21

Mąąhɔlɔɓo, Yálá ɲɛ̨i kaa nu tɛitɛi kəlee mąąkpɛɛi, yɛ gɔwɔ hvilɛn ɉii tɛitɛi kəlee kaa,

Mąątɛ̨nɛ̨ 10:5

Nu taaləi tii, gɛ mɛ̨nįɠaa hu a nɛ̨ɛ̨ mą a yələ kəlee; yii hvilɛn na Yálá nwɔ kitii ɓa, gwəi kili hva yili kpaɠala kaa, dɛɠɛɓoɔ ɲowoɠaa hu.

Mąątɛ̨nɛ̨ 119:168

Ə́ wɔ tíɓoɠaai, da ə́ wɔ tɔn nwooɠaai, ŋą́ gəlee pɔ mɛ̨nį kɛ, dɛ́ɛ́ pələɠaa kəlee kaa ə́ ɲɛ̨́i ɓa.

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Amɔsə 9:2

Ə mą kɛ daa yɛɛ ŋąmua-taa, ŋį́ li laa, ŋį́ di hon. Da di mąąkilɛ yələkɔlɔn ɉu, ŋį́ di kulɔ laa, ŋį́ di yɛɛ.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.