Zôo 24:12 - Yálá laawoo hɛɓɛ (dc)

¹² Daai nuą da kɛ di woo laai, nuąi pala aa tee diɛ, diɛ tomą, Kɛlaa, Yálá hva nwəli tɔɔ di woo ɓa.

Yálá laawoo hɛɓɛ

¹² Daai nuą da kɛ di woo laai, nuąi pala aa tee diɛ, diɛ tomą, Kɛlaa, Yálá hva nwəli tɔɔ di woo ɓa.

Bible

¹² Diai dí díŋwâna da diai kɛ̀ saa-wolo lai, díkɛ wɔ̂lɔi Ɣâla ma a gɛɛ é kpɔŋ mâ tɛɛ dípɔ. Díkɛ̀ wɔ̂lɔi dîyɛ Ɣâla ma kpɔŋ kûa. Kɛ́lɛ Ɣâla fé ŋ̀óli tɔɔ-ni m̀ɛni nyɔ́mɔɔi ma dɔɔ-ƃelai díkɛ̀ gɛ̂i a gôlo-ƃelai.

Zôo 24:12 Iomraidhean Croise

Zɛnɛse 4:10

Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Zôo 24:11

Diɛ nuą di wɔ wulɔ kulɔ di yəi gwəliiɠaa diɛ di wɔ lɔɔ ya kulɔ, di hva gɔwɔn, pulu ə ɓo diɛ.

Zôo 24:13

Nu ɲɔ̨nwɔ̨ɔ̨ɠaa da ɲɔw kɛɛ pɔ̨nɔ̨ ɓa, di hvo pələ haŋąą kɔ́lɔn, di hva hiɛ pələ haŋąą mɛ̨i.

Zôo 9:23

Ɓɛlɔwai mɛ̨nį ɲɔ̨n gɛnɛ̨ɛ a kulɔ la, yɛ tələnmo nuą paa, Yálá a yɛlɛ kulɔ di hu, di wɔ mąąwɛli mɛ̨nįɠaai hu.

Zôo 9:24

Da lɔi tɛŋɛn gwɛlɛ ɓowo mun ma, Yálá a nɔi ti hu kiti tee nuą kili mɛ̨i pɛlɛ. A wala kɛ a yaa, gbɛɛ ɓə a pɛli yili kɛi?

Mąątɛ̨nɛ̨ 10:13

Lə ɓə kɛ yai nu ɲɔ̨nwɔ̨ɔ̨ a tɔɔ yɛ Yálá lalan, yɛ kɛ kpɛli diɛ gwəi pələ: «Hvo pai hvilɛn ɉi búlú hvo gwɛ́lii?»

Mąątɛ̨nɛ̨ 109:22

Ɲą́ą́ ga, hɛn və ɲə́i, mą́ą́wɛliɛ, ɛlɛɛ, níi kpɔ kpɔɔ yaliɛi gwə́i.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Mąątɛ̨nɛ̨ 69:26

Di wɔ pɛlɛ́ɠaai di lɛɛ a gboloon, nu ta hvo kɛa yíi di wɔ pɛlɛ́ɠaai mu.

Lɛɛ gbɔwɔ ɓa 22:27

«‹Hvo mɛ̨nį ɲɔ̨n mo Yálá ɓa, nuąi ɲɛ̨itɔwɔ laa kaa di yəi ka lɔwai, hvo da nɛ̨ŋɛ̨n naa.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Azaya 52:5

Yiihu kɛa, lə ɓə kɛa ŋį́ gɛ? Yai-Laa woo li. Ɓɛlɔwai daa nwɔ nuąi hon na a mɛ̨inɛ̨ɛ̨, di laanɔ̨nwɔ̨ ɓo nuą di kaa tomąi, Yai-Laa woo li. Hvóló kəlee, da kɛ naa ɓɛlɛkpɛɛi mą.

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 12:2

Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Piɛrə veelɛ 3:15

Ka gɔlɔn kaa diɛ: Gu Ną́mu Yálá nwɔ liilaa hu kwɛa ti ɓə a ka wɔ nwun mąąɓo. Giliŋąhiɛi ti ɓə gɛ, gu kaayɔwɔ da gu wɛlikɛmąą mun Polə yɛ hɛɓɛ́ tɛɛ la kaa, yɛ pələi Yálá ə mąą kili tɛɛ la bɔ.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.