Zôo 22:7 - Yálá laawoo hɛɓɛ (dc)

⁷ Hvo kpɛli kɛi kpələ wɛli kulɔ nu ɓa, yɛ́ lənə kɔ̨nɔ̨n dɛɛi pulumun bɔ.

Yálá laawoo hɛɓɛ

⁷ Hvo kpɛli kɛi kpələ wɛli kulɔ nu ɓa, yɛ́ lənə kɔ̨nɔ̨n dɛɛi pulumun bɔ.

Bible

⁷ Ífe yá tɛɛ-ni ǹûai pɔ́ kpele wɛ̂li è kɛ̀ díkɛ̂i. Kpaa máŋ í mii-sɛŋ-loŋ tɛ̀ɛ diai pɔ́ puru è kɛ̀ díkɛ̂i a dɔnɔ kpîŋ.

Zôo 22:7 Iomraidhean Croise

Zôo 31:16

A kɛ ŋą́ą́ ta lənə mąąwɛli nuą di wɔ hvɛli ɓo woo ɓa, Ŋą́ą́ ta kalanənŋaa lɛɛ laa di ɲɛ̨i mąą yɛ wɛli,

Zôo 31:17

Ɲą́ą́ dɔ̨nɔ̨ ɓə kɛi hee gɔ́nɔ̨n ma, yii təli lon və nwɔɔ hɔlɔɓo li ɉu.

Zôo 31:31

Mą́ą́ nwɛ̨ąą di hvo kɛi kɛ diɛ, Gbɛɛ nuą ɓə di hvo pilɛ li huwɔ hu?

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Izikiɛ 18:16

hva ɲee pənə nu ta hu, hva kanąn tolaa hɛn ma; hva nwuɔ̨ kɛ, yɛ gɔ̨nɔ̨n dɛɛ nui pulu kaa mą bɔ; Yɛ həɠə tɛɛ nui gaa a gbuwulu bɔ,

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Maafîu 25:42

Mąąhɔlɔɓo, ka ɲɛ̨i walawalaai, pulu ə kɛ mą́ą́ ka hvo gɔ́ a kɔ̨nɔ̨n. Kpələ wɛli ə kɛ mą́ą́ ka hvo yalaɠi tɛɛ bɔ́.

Lomaŋ 12:20

Yɛ nwɔ̨nɔ̨ diɛ: «Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá tɛɛ bɔ. Mąąhɔlɔɓo, yá kɛli gɛ ti, ə́ kɛɛ nwɔ̨n dəŋą pui ə́ yowo nwuɔ̨ li.»