Zôo 22:3 - Yálá laawoo hɛɓɛ (dc)

³ Ə́ wɔ tələnmolaa mąą kpaan gaa Huwalawala Kəlee Nąmu ɓa? Yá ə́ hɔn mąą pənə kpɔ, lə ɓə a ɉɔlɔɓo ɉu?

Yálá laawoo hɛɓɛ

³ Ə́ wɔ tələnmolaa mąą kpaan gaa Huwalawala Kəlee Nąmu ɓa? Yá ə́ hɔn mąą pənə kpɔ, lə ɓə a ɉɔlɔɓo ɉu?

Bible

³ À kɛ̀ íkaa a teniŋ ƃô-nuu, lé ƃé Ŋ̀wála-wâla kélee Ɣalai a pâi gulâi zui? À kɛ̀ ísɔŋ fé yâ, lé ƃé Ɣâla a pâi gulâi zu?

Zôo 22:3 Iomraidhean Croise

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Zôo 21:15

kɛi da mo yɛ́ Huwalawala Kəlee Nąmu, ə́ kaa bɔ ku kɛ a ə́ wɔ luwɔɠaa? Ə́ hvɛli mɛ̨nį ku yəi nwun maa lə?»

Zôo 22:2

Yálá a mɔ̨ɔ̨ nu huwalawalaa kwɛli, yɛ mąą kanąn dee la? Akɛ a mɛ̨nį kɔ́lɔn mun, gbɔwɔ mąą liihɛlɛn nɔ ɓə a ɉee.

Zôo 22:4

A kɛi ə́ mąąkɔ̨nwɔ̨, ɲɔw ɓə mɔ̨ɔ̨ a kɛ moi yɛ? Ka yaa ka káá mɔ̨ɔ̨ pai lii kiti ɓa?

Zôo 34:9

Ə mo yɛ diɛ: «Nu hva pɛli hɛn da hɔlɔɓoi, yii a pɛli gɛi, yɛ Yálá kwəinɛ̨ɛ̨.»

Zôo 35:7

Yá kɛ a tələnmomun, tɔ̨nɔ̨ lə kɛɛ ɓə yaa ti a ɉɔlɔɓo ɉu? A kɛ hɛn da hɔlɔɓoi ə́ yəi?

Mąątɛ̨nɛ̨ 119:59

Ŋą́ą́ gíliŋąhiɛ dúwɔ pələ hu, gáá pənəi ŋį́ pa ə́ wɔ tɔn nwooɠaai pɔ.

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Hanwon 11:1

Nón! Mɛ̨nįi gáá ə́ kalan ɉii la, gili lɛɛ ə́ ɲą Yii ŋą́ kɛ yɛ́ gɛ, 'hvó lɛ̨ą mą.

Hanwon 11:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Hanwon 12:22

Lɛɛ nuą wɛli hvo Yai-Laa ɓa, Kɛlaa, a tɔɔ tɛ̨ą ɓo nuą pulu.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 9:12

Ya kɛ a kilimąą mun, yáá kpinįi ɓə yá dɔ̨nɔ̨ hɔlɔɓo; yá kɛ a yɛlɛkulɔ ɉumun, yɛ́ tɔ̨nɔ̨ ɓə ya mɔ̨nɔ̨ mįi.

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa