Zôo 21:7 - Yálá laawoo hɛɓɛ (dc)

⁷ Nu ɲɔ̨nwɔ̨ɔ̨ɠaa da lɛɛ yɛnɛ̨ɛ̨ lə mɛ̨nį ɓa, di pɔlɔ mɛ̨nį yɛ kɛ a di wɔ yee wala wala laa hu kɛnɛ̨ mɛ̨nį?

Yálá laawoo hɛɓɛ

⁷ Nu ɲɔ̨nwɔ̨ɔ̨ɠaa da lɛɛ yɛnɛ̨ɛ̨ lə mɛ̨nį ɓa, di pɔlɔ mɛ̨nį yɛ kɛ a di wɔ yee wala wala laa hu kɛnɛ̨ mɛ̨nį?

Bible

⁷ “Lé mɛni ƃé Ɣâla a ǹɛɛ̂i la naa a gɛɛ ŋ̀wana-lɔ̂ɔ-ƃelai díkɛ nàmu ɣele mâ é lɛ́ɛ la zu dípɔlɔ díkɔ̃liŋ támaa kɛ́ ƃò mai?

Zôo 21:7 Iomraidhean Croise

Zôo 12:19

Yɛ haláá laa həli nuą hvilɛn di kɔ́wɔ kpala ɓa, huwalawalaɠaai di heɛ, yɛ di laa pɛlɛ lɔ tɔ̨nɔ̨.

Zôo 12:6

Nu paa nuą di wɔ pɛ́lɛ́i kaa liilaa hu. Nuąi da Yálá lii kələn gwəi, di ɓo liilaa hu. Diɛi di wɔ Yálá lɔ ɓaa di hvaŋą.

Zôo 9:24

Da lɔi tɛŋɛn gwɛlɛ ɓowo mun ma, Yálá a nɔi ti hu kiti tee nuą kili mɛ̨i pɛlɛ. A wala kɛ a yaa, gbɛɛ ɓə a pɛli yili kɛi?

Mąątɛ̨nɛ̨ 17:10

Di wulɔ aa di laahvɛɛ, kpɔwɔ ɲąąkɛnɛ woo ə ɓo di la.

Mąątɛ̨nɛ̨ 37:35

Nui hvo Yálá kɔ́lɔn, ŋį́ gaa yɛ gilitɔɔ vaŋą ɓa, yɛ nwun dɛ yɛ Liban hɛan;

Ikilisiati 7:15

Ɲíi kuu kpuɔ lon ŋɛ̨i ŋą́ gɛ lɔi mɛ̨i, yii ŋį́ gílí lɛɛ ɉu, ya ɓaa: mɛ̨nį kəlee da pɛli kɛi. Nu haŋąą a tee kpə, bələi mąn ɉaŋąąi la. Nwąnąlɔmun yɛ lamun yɛnɛ̨ɛ̨, bələi mąn nwąnąlɔi la.

Ikilisiati 8:14

Kɛlaa yaamun, mɛ̨nį ta a kɛ kɛi lɔi mɛ̨i gɛ́ gaa, ya ɓaa: Mɛ̨nįi mąąnɛ̨ɛ̨ ə həli nwąnąlɔmun ma, yili yaamun, mə a həli mɛ̨nį haŋąą kɛmun ma. Bələ lɔ ɓə gaa la, nwąnąlɔmun yaamun, gɛ mɛ̨nį hu yɛ nɛ̨ɛ̨, yɛ a kɛ a nu haŋąą. Gɛ́ diɛ: yili kaa a kpɛli-kpɛli mɛ̨nį.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?