Zôo 21:19 - Yálá laawoo hɛɓɛ (dc)

¹⁹ Kaa kɛ diɛ: «Yálá a lon gaa nuą di wɔ mɛ̨nį gwələ kulɔ, di lonnii diɛ.» Mąąnɛ̨ɛ̨ Yálá ə diɛ kpinįi di hu tɔɔ, ə lɛɛ di gbaɠala kaa.

Yálá laawoo hɛɓɛ

¹⁹ Kaa kɛ diɛ: «Yálá a lon gaa nuą di wɔ mɛ̨nį gwələ kulɔ, di lonnii diɛ.» Mąąnɛ̨ɛ̨ Yálá ə diɛ kpinįi di hu tɔɔ, ə lɛɛ di gbaɠala kaa.

Bible

¹⁹ “Í mò yɛ̂ɛ Ɣâla a pâi dísɔnyɔ̂ŋ maa tɔ̂ŋ kpɛ̂i dínîa-pɛlɛi dîa. Tɔɔ Ɣâla é ǹâŋ-ƃelai kula maa kɛ́ a gɛɛ dí dísɔnyɔ̂ŋ kɔ́lɔŋ.

Zôo 21:19 Iomraidhean Croise

Zɛnɛse 4:7

Akɛ ya túwɔ́ a nɛlɛɛ, ə́ ɲɛ̨i a pɔ̨nɔ̨, kɛlaa, ya túwɔ́ a ɲɔ̨nwɔ̨ɔ̨, ə́ kɛ nɛ̨ŋɛ̨n a kɛ laani ə́ yəi bɛlɛ́ laaləi yɛ haɠa kɛnɛ̨. Nɛ̨ŋɛ̨n tii a kɛ bɔ, ə tɔɔlaa kɛ ə́ mɛ̨i, kɛlaa, mąąnɛ̨ɛ̨ ə́ yee ə tɛɛ mą.»

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Zôo 22:24

Ə́ wɔ hɛni kpuwului too lɔi ɓa, Ə́ bili yai kwɛniɠaa lɔwai,

Mąątɛ̨nɛ̨ 54:5

Mąąhɔlɔɓo, nwɛ̨ąą daa wolo mą́ą́, wɛa nuą diɛ báá pələ kwɛli; Yálá mɛ̨nį hvo di wɔ kiliŋąhiɛ hu.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Azaya 14:21

Ka nɛapɛlɛɛ paa mɛ̨nį ɲɛ̨i kulɔ, di nąnni di wɔ nɛ̨ŋɛ̨nŋąą mąą mɛ̨nį ɓa, di hvo pa nəi kɛnɛ̨, diɛ nɔi hon a kɔ́, diɛ hiɛ yɛnɛ̨ɛ̨ nąą kəlee.

Ɉeremi 31:29

Nąąlɔwai tii hu, di hvo kɛa pai kɛi diɛ: «Ku nąnni di viɲə ɓá kpəlee mįi, kɛlaa di lonnii ɓə di ɲįn ŋą ə kponą.»

Izikiɛ 18:14

«Kɛlɛɛ nu ta a kɛ laa lon ə ɓo mą, nɛ̨ŋɛ̨nŋaai kpɔ nąn ə ɉəɠə, ə yili kəlee kaa, ɛlɛɛ, hva dúwɔ yili ta ɓo,

Izikiɛ 18:2

«Lə ɓə kɛ yai ka kɛ lɔ ɉanwon ŋɛ̨i hɔɔi Israɛlə lɔi hu, kaa kɛ diɛ: ‹Lon gaa nuą di wulu ɓá kpəlee mįi, kɛlaa di lonnii ɓə di ɲin ŋą aa kpona?›

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Lonon mo 14:18

‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Dutɛrɔnome 32:34

Mɛ̨nį ɲą́ą́ Yai-Laa ŋą́ą́ bɛli noɔ, yii gáá pai naai diɛ, ya ka:

Dutɛrɔnome 32:41

Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Timote veelɛ 4:14

Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.