Zôo 2:10 - Yálá laawoo hɛɓɛ (dc)

¹⁰ Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Yálá laawoo hɛɓɛ

¹⁰ Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Bible

¹⁰ Zôo è ŋɔnɛnîi wóo su tòo ǹyɛɛi, “Ya lôno nɔ́ yɛ̂ɛ ǹɛnî-ŋai nyii-ŋai dífe Ɣâla kɔ́lɔŋ. À kɛ̀ Ɣâla a mɛni lɛ́lɛɛ tɛ̀ɛ kú pɔ́ kúku yée sée mu, lé mɛni ƃé a mɛni kpɔ̂lu làa la kûa kúfa kúyee sèe mui?” Berei máŋ Zôo è mɛni sôli kàa lai, vé lóno-ni a nyɔ́mɔɔ é pîlaŋ Ɣâla ma.

Zôo 2:10 Iomraidhean Croise

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Samia Veerɛi 13:13

Yá gɛ tii, mįnɛ̨ ɓə ŋą́ li laa nwɔ́ nwumɛ̨ ŋɛ̨i mąąkilɛi? Ə lɛɛ yɛ kpɛli, yá kɛ kɛa yɛ nui mɛlɛ hvo mą Israɛlə lɔi hu. Yii hui ŋɛ̨i, gáá nɛ̨ɛ̨mąą hvəi yɛ́, gɛ́ ə́ li ə́ ə́ woo hukulɔ tɔɔmun ma hvo pai lənəi ma, ə gɛ ə́ ɉəɠə a ə nɛ̨ą.»

Samia Veerɛi 19:22

Seruya lon Avisai ə nwoo pulu pənə, yɛ tɔɔmun ma: «Akɛtii, yili mɛ̨nį ɓə mɔ̨ɔ̨ di hva Simei paa la! Nui Yai-Laa aa mąątí a tɔɔ wulɔ, kɛlɛi Simei ɓə nɛ̨ŋɛ̨n nąąn ee?»

Samia Veerɛi 19:28

Ya ka tii, nwɔ́ kóló kɛ mun ə li lɛɛ kɛi tɔɔmun ma a náá. Kɛlaa, nwɔ́ mɛ̨nį nąmu tɔɔmun kaa yɛ Yálá nwɔ malaka, mɛ̨nįi lɔpee a nɛɛ yɛ́, gɛ.

Samia Veerɛi 24:10

Ɲąąɓa, Davidə kpɛɛ a nuą lonoɔ, níi ə ɓɛla mą. Davidə yɛ Yai-Laa ɓa: «Nɛ̨ŋɛ̨n gɛnɛ̨ ka tii ŋą́ą́ ɉəɠə; Yai-Laa, gɛ́ ə́ ə́ ɲɛ̨i həɠə ə́ wɔ luwɔ kɛ hɔn ma, mąąhɔlɔɓo, ŋą́ą́ túwɔ́ yɛ ɓowomun.»

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Zôo 1:10

Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Zôo 2:9

Ɉobə nɛ̨ą yɛ mą: «Ə́ kaa lɔ pai lɛɛi ə́ wɔ túwɔ́ pələ lɛlɛi ŋɛ̨i ɓa a hvóló kəlee? Yálá nɛ̨ŋɛ̨n naa, ə́ haa tɔ́nɔ̨!»

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Mąątɛ̨nɛ̨ 39:10

Ŋą́ą́ náá pilɛ, və́ kɛa pai hvaai, hvó gaai, yɛ́ ɓə ə́ kɛ mɛ̨nį kɛi.

Mąątɛ̨nɛ̨ 39:9

Gúlɔ gɛ́ nɛ̨ŋɛ̨n gəlee yəi, hvó dóó ɓowoɓɛlaa la.

Mąątɛ̨nɛ̨ 59:12

'Hvó di paa! Nwɔ́ nuąi di hvo nəi pa lɛ̨ą. Ə́ hvaŋą ə di hiɠi-hiɠi ɓo lɔ, ə di nwun mąą yɛɛ, Yai-Laa, yɛ́i a mą́ą́ kpɛ kpanąn.

Hanwon 9:13

Kilikpɛɛɲəi nɛ̨ɛ̨nu a kɛ tomąi, hva mɛ̨nį ŋąą kaa, ɉu puɔ mą, hvo mɛ̨nį ta kɔ́lɔn.

Hanwon 9:6

Ka kilikpɛɛgwəi mɛ̨nį lɛɛ laa, 'ka pa ka yɛnɛ̨ɛ̨ kɛ, ka hvilɛn nwun gɛ ɉu pələ mɛ̨i.»

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Maafîu 25:2

Nɔɔli ə kɛ ɉu diɛ ɓo a kilimąą nuą, nɔɔli kilaa hvo kɛ pono li.

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Samuɛlə dɔlɔɔ 3:18

Samuɛlə ə mɛ̨nįɠaai tii kəlee hukulɔ mą, hvə da loo ma. Eli yɛ mą: «Ya ɓə a Yai-Laa, yii a nɛ̨ɛ̨ mą, ə gɛ.»