Zôo 12:15 - Yálá laawoo hɛɓɛ (dc)

¹⁵ A ɲee kɛ tulɔ ɓa, hvóló laa teɛ li a ɲee ɓo mą, a lɔi kulɔ.

Yálá laawoo hɛɓɛ

¹⁵ A ɲee kɛ tulɔ ɓa, hvóló laa teɛ li a ɲee ɓo mą, a lɔi kulɔ.

Bible

¹⁵ À kɛ̀ Ɣâla a wàla ǹɛɛ naa tuna é pú, ǹɔii a kpâla. À kɛ̀ a ǹɛɛ naa ǹyái é fɛ́ɛ, a zãai kélee su kàra.

Zôo 12:15 Iomraidhean Croise

Zɛnɛse 6:13

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Zɛnɛse 7:11

Noe kaa kwɛlan nwun mɛ̨idanąą, ɲąnin veelɛ, voló pow gɔw mɛ̨ihveelɛ yələ, lɔi laa ə ɓo, yələkɔlɔn naa ə ɓo, yá yɛ kulɔ nąą kəlee.

Zɛnɛse 8:1

Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 17:7

Gwɛlan tii yee mu, hvóló kɛnɛ̨ ə hɔɔ. Eli ə li mąąkilɛi Keritə huluun ɉii. Kɛlaa, ɉu hvo kɛa, ɲai tii ə kpala, mąąhɔlɔɓo, tulɔ hvo kɛi pu.

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Zôo 28:25

Ɓɛlɔwai ə kɛi hvaŋą wiɛ yee kɔ́ɔn na, yɛ yaɠaa kpɛlai kɛ diɛ,

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Lukə 4:25

Gáá moi kaa, Eli nwɔ lɔwai hu, galanən nɛ̨ą tamąąi kpɔ kɛ Israɛlə lɔi hu, ɓɛlɔwai hvóló laa ə tee la a kwɛlan ɉaaɓa ɲąnįn mɛ̨ida, tulɔ hvo kɛi bu; pulu kɛnɛ̨ ə too nɔi nąą kəlee.

Dutɛrɔnome 11:17

Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

M̀ɛni-lɛɛi 11:6

Mąąlaa kaa di yəi, di yələkɔlɔn naa kpulu, ɛlɛɛ, tulɔ lɔpee ta hva pu lɔi ɓa, ə lɛɛ ɉu, vólóɠaai di kaa Yálá kwəi mɛ̨nį hukulɔi la, ə kpɛɛ. Mąąlaa kaa di yəi, di yá mąąpənə a ɲąmą, ɛlɛɛ, di mɔ̨nɔ̨ huwui lɔpee gəlee laa lɔi ɓa, yɛ bələi di kaa la bɔ.