Zôo 11:8 - Yálá laawoo hɛɓɛ (dc)

⁸ Mąą kwɛa pələ kaa yɛ yələkɔlɔn, ə́ kaa pai gɛi ləi? Gbon ɉu kwɛai dɛɛ ɲąmuątaa ɓa, ya pɛli gɔlɔn bələ kɛi ləi?

Yálá laawoo hɛɓɛ

⁸ Mąą kwɛa pələ kaa yɛ yələkɔlɔn, ə́ kaa pai gɛi ləi? Gbon ɉu kwɛai dɛɛ ɲąmuątaa ɓa, ya pɛli gɔlɔn bələ kɛi ləi?

Bible

⁸ Ɣâla ŋɔtárei kɛ̂tɛi é tɛ́ɛ ŋ̀elei su ŋɔkɛ́tɛi ma, ɣelêi-pere da saa-taa nyii gáa ǹɔii mu-perei. Ǹyaŋ ífe mɛni da kɔ́lɔŋ é pîlaŋ ma.

Zôo 11:8 Iomraidhean Croise

Kɔlɔnikɔ Veerɛi 6:18

Yálá a pɛli mɔ̨ɔ̨ heei nuą lɔwai ɓɛ yɛnɛ̨ɛ̨ kpɔ a neelee? Yələ kɔ́lɔn yaa kpįnįle, da yələ kɔ́lɔn mɛ̨i pələ, di hva pɛli Ə́ mu! Gu hvo mun kɛ bɛlɛi ɲɛ̨i ŋį́ dɔɔ yɛ́i!

Zôo 11:9

Ɲąą kɛnɛ̨i dɛɛ lɔi ɓa, ɲąą kɛnɛ̨ dɛɛ gboloyá ɓa.

Zôo 22:12

Yálá hvo mɔ̨ɔ̨ yələi pələ, Pɛmɛ̨lɛ̨n gɔwɠaa kaa, pələi di kaa la yələi.

Zôo 26:6

Ɲąmoątaa hu pɔ̨nɔ̨ɔi Yálá ɲɛ̨i ɓa, ə lɛɛ, haaɓəlaa taa hu hvo kpinį li.

Zôo 35:5

Ə́ ɲɛ̨i hee yələkɔlɔn ma, ə́ gaa, bələi tulɔ kpinįnŋąą da tɛɛ la ə́ nwun mɛ̨i, bələ kaa.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 38:17

Daa ta haa yəi bɛlɛ́ laaləi lɛ yɛ́? Yáá ta haa nwɔ kpinįi yəi bɛlɛ́ laaləi kaa?

Zôo 7:9

Tulɔ kpinįn a həɠeen, yɛ li, bələ kpɔlɔ ɓə nu a yɛɛ la lɔi mu, hva kɛa pənə hvo tɛ lɔi mɛ̨i.

Mąątɛ̨nɛ̨ 103:11

Bələi lɔ yələkɔlɔn nwɔ heeɓolaa kaa la lɔi ɓa, bələ lɔ ɓə nwɔ wɛlikɛmąąlaa kɛ̨nɛ̨ la ɲɔw mąą nuą diɛ.

Mąątɛ̨nɛ̨ 148:13

'Ka Yai-Laa laa mąątɛ̨nɛ̨, mąąhɔlɔɓo naa kɛnɛ̨i, yaa tanɔ̨n gbən, Mąąɲįnɛ̨n ɉeɛi lɔi da yələ kɔ́lɔn di mɛ̨i!

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Azaya 55:9

Bələi lɔ yələkɔlɔn mąą kwɛaa la lɔi ɓa, bələ lɔ ɓə nwɔ́ pələɠaai mąą kwɛaa la ka yii pələɠaai diɛ, ɛlɛɛ, gwə́i kiliɠaa mąą kwɛaa lɔ tii ka kwəi kiliɠaa diɛ.

Amɔsə 9:2

Ə mą kɛ daa yɛɛ ŋąmua-taa, ŋį́ li laa, ŋį́ di hon. Da di mąąkilɛ yələkɔlɔn ɉu, ŋį́ di kulɔ laa, ŋį́ di yɛɛ.