Zôo 10:22 - Yálá laawoo hɛɓɛ (dc)

²² Ɓɛi nąą yələwala kaa a ɉu kpinɛ̨ɛ̨, ɓɛi haa a nąą kpinį a yələ kəlee. Nąą yələ ɓɔɔ ə ɓo a kpinį hu tɛɠiɛ.

Yálá laawoo hɛɓɛ

²² Ɓɛi nąą yələwala kaa a ɉu kpinɛ̨ɛ̨, ɓɛi haa a nąą kpinį a yələ kəlee. Nąą yələ ɓɔɔ ə ɓo a kpinį hu tɛɠiɛ.

Bible

²² Ŋa pâi liî ƃɛ́i naa sãa kélee táa-taai, naa kɛ́ ƃò nɔ́ wúleei, ƃɛ́i naa kwaa ponoɔɔ káa nɔ́ a kpínii.

Zôo 10:22 Iomraidhean Croise

Zôo 10:21

Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Zôo 11:1

Naama mun Sofarə ə mo, yɛ diɛ:

Zôo 17:13

Lə ɓə kɛa ŋą́ gílitɔɔ mą, nwɔ́ pɛ́lɛ́i kaa kɛa ŋąmoątaa. Ŋą́ą́ náái kulɔ kpinį hu.

Zôo 3:13

Kɛlɛɛi, yɛ mą gáá kɛa laani, nwə́li pulu laɠiɛ gáma hu. Ŋą́ kɛ kɛ yii, gɛ́ ɲą́ą́nɛ̨ɛ̨n gulɔ nwɔ́ hvįįtɔɔ hu.

Zôo 3:5

Tɛɛhilɛ kpinį ə volói ti mɛ̨i kpulu, Tulɔ kpiliɠilin ə volói ti ɲɛ̨i paa. Volói ti hu ə tɛɠi yɛ ɲąąlee a ɲąnin ɉon.

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Zôo 38:17

Daa ta haa yəi bɛlɛ́ laaləi lɛ yɛ́? Yáá ta haa nwɔ kpinįi yəi bɛlɛ́ laaləi kaa?

Mąątɛ̨nɛ̨ 23:4

Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Mąątɛ̨nɛ̨ 44:19

Ku hvo kɛ ku kili mąą hvalin ni ə́ mąą mɛ̨nį hu, ku kɔwɔ hvo kɛ həɠə li ə́ wɔ pələi mɛ̨i.

Mąątɛ̨nɛ̨ 88:12

Nu a kɛ gámą hu, a mɔ̨ɔ̨ pɛli ə́ wɔ wɛlikɛmąąlaa hu kulɔi? Nu a kɛ ɲąmuątaa, a mɔ̨ɔ̨ ə́ wɔ tɛ̨ą mąą mɛ̨nį ta ɓo?

Mąątɛ̨nɛ̨ 88:13

Ə́ wɔ kpalu mɛ̨nį a pɛli mɔ̨ɔ̨ kɔ́lɔn ɉi kpinį hu? Ə́ wɔ tələnmolaa a pɛli mɔ̨ɔ̨ kɔ́lɔn ɉi lɛ̨ąmąą taa?

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Lukə 16:26

Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›