Zôo 10:1 - Yálá laawoo hɛɓɛ (dc)

¹ Yɛnɛ̨ɛ̨ a ɓaɠi lii tɛ a ɲą́ą́, Və́ pai náá pilɛi nwóólaa mɛ̨nį ɓa. Gáá lɔ pai kɛi hvaai lii kələn gwəi hu.

Yálá laawoo hɛɓɛ

¹ Yɛnɛ̨ɛ̨ a ɓaɠi lii tɛ a ɲą́ą́, Və́ pai náá pilɛi nwóólaa mɛ̨nį ɓa. Gáá lɔ pai kɛi hvaai lii kələn gwəi hu.

Bible

¹ Ɣâla, Tãi nɔ́ ŋá kɛ-ɣeniɛi fé lɛ́lɛ-nii, ŋa pâi ísɔŋ lâai núu kélee ŋɛ́i. Ŋa pâi ŋá mɛni sôlii kélee ƃôi yâ.

Zôo 10:1 Iomraidhean Croise

Tɔɔɓɛlaa dɔlɔɔ 19:4

Eli yaa kpinįi ə hvóló tɔ̨nɔ̨ hiɛ kɛ yɛ li nɔi pun ɉu. Líi ə mo laa, ə hee ɉenɛ wulu mu. Eli ə hee laa, yɛ haa huhvɛli, yɛ kɛ mą: «Oo kə! Yai-Laa! Víi aa kpɛɛ kpɔ kɛnɛ̨, ɉə́ɠə kɛa yɛnɛ̨ɛ̨, və́ hviɛlaɓo li və́ tɛɛ ną́nni diɛ.»

Zôo 14:13

Akɛ yá pɛli kɛ nówii lɔi mu, Yá pɛli kɛ mą́ą́kilɛi, ə lɛɛ ɉu ə́ wɔ liiholii ə tɛɛ, akɛ yá pɛli kɛ kuu tɔɔi mą́ą́, ɓɛlɔwai gíli a too la ə́ ŋą.

Zôo 19:4

Ə ma kpɛli kɛ ŋą́ą́ túwɔ́ pələ ɲɔ̨n gɛ, Ka wɔɔ ə li kɛ a lə nwɔ́ túwɔ́ pələ ɲɔ̨n ɉu?

Zôo 5:20

Pulu tooi lɔwai, a ə́ nwun mąąkɔ̨nwɔ̨ haa yəi, yɛ ə́ nwun mąąkɔ̨nwɔ̨ kɔ́ kɔ́ ɓɔwa yəi.

Zôo 6:26

A kɛ ti nu hvaa woo ɓə mɔ̨ɔ̨ ka káá mąą kulɔi? Nui gilitɔɔi hvo mą, vaa wooɠaa da lɛɛ lɔ hvaŋą yəi.

Zôo 7:11

Yili ɓa, və́ pai pɛlii náá pilɛi; nwɔ́ mɔ̨nɔ̨ mįi lɔwai, gáá pai kɛi lɔ nwóó hukulɔi. Gáá lɔ pai kɛi nwóó laai, nwɔ́ mɔ̨nɔ̨ mįi pələ ɓa.

Zôo 7:16

Nwɛ́i aa pɛli, və́ pai lɛɛi yɛnɛ̨ɛ̨ a yələ kəlee. Nɛ́ɛ́ kɛa laa, mąąhɔlɔɓo, nwɔ́ yɛnɛ̨ɛ̨ kaa kpɛɛi.

Zôo 9:21

Ɉɔ́n və ɉu ɓəi? Vá pɛli gbaɠala kaai. Nwɔ́ yɛnɛ̨ɛ̨ wɛli kpɛɛ mą́ą́ ka ti.

Azaya 38:15

Ŋą́ pɛli kpɔ kɛi lə, yɛ́ pɛli nwoo mu hon ɉi, mąąhɔlɔɓo, ya kpinįi ɓə mɛ̨nį kɛi? Gáá pai nwɔ́ kwɛlan gəlee kɛi, a niikələn gwəi ŋɛ̨i aa hee mą́ą́i.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Zôna 4:3

Yili ɓa, Yai-Laa ɉə́ɠə, mąąhɔlɔɓo, ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Lonon mo 11:15

Akɛ bələ ɓə ə́ kaa gɛi la a ɲą́ą́, viɛlaɓoɔi ə́ báá. Bələ ɓə gáá bɔ ə́ ə́ ɲɛ̨i lɛlɛɛ hee la mą́ą́, ŋą́ kulɔ mɔ̨nɔ̨i ŋɛ̨i hu.»