Zôo 1:8 - Yálá laawoo hɛɓɛ (dc)

⁸ Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Yálá laawoo hɛɓɛ

⁸ Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Bible

⁸ Yâwɛɛ è Sêtɔŋ marê kɛ̀ ǹyɛɛ mai, “Yâa ŋátii kɛ́-nuui Zôo káa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ.”

Zôo 1:8 Iomraidhean Croise

Tɔɔɓɛlaa veelɛ 23:25

A tɛ̨ą, tɔɔmun da hvo ta kɛ hɔlɔɓo li Ɉosiasə tɔwɔ yii nii kəlee tinɛ̨n Yai-Laa pɔ pələ nwɔ yɛnɛ̨ɛ̨ kəlee hu, nwɔ huwalawala kəlee, yɛ Moisə nwɔ tɔ́n laahɔnmo ɲee tɔ̨nɔ̨ mɛ̨i. Ə kulɔ Ɉosiasə pulu da hvo ta gɛ li yɛ yaa ə mą kɛ ɉaa pulu, yɛ bɔɔ tɔɔn.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 12:4

Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Zôo 2:1

Ə kɛ a hvóló ta, malakaɠaa di kɛi li Yai-Laa lííla. Ɓilihi ə lɛɛ di lɔwai, ə lɔ.

Zôo 2:3

Yai-Laa ə mąąnikɛ, yɛ mą: «Ə́ nwɔ́ tímun Ɉobə kaa? Ɲɔ̨wɔ̨mąn və lɔi mɛ̨i; gaa a nui dúwɔ pələ lɛlɛɛ, ɉaŋąą, yɛ ɲɔw Yálá ɓa, yɛ mąą kwɛa mɛ̨nį ɲɔ̨n dɔwɔ. Aa tɔɔ kpąąn nwɔ túwɔ́ pələ lɛlɛ laa hu, kpɛli kpɔ ka ti ə́ gɛ, ə gɛ, ŋį́ mɛ̨nį nwąnąą laa mą.»

Zôo 34:14

A kɛ kɛ a giliŋąhiɛ lɔ gbɔwɔ ɓa, yɛ pɛli nɔ̨ɔ̨ da nwɔ yɛnɛ̨ɛ̨ lɛɛi lɔ ɲəi,

Zôo 8:20

Yálá hva wɛli kpɛɛ mąą laa kulɔ a nu haŋąą. Hva kpɔmąą tɛɛ mɛ̨nį ɲɔ̨n gɛ mun bɔ.

Mąątɛ̨nɛ̨ 18:23

Ŋą́ nwɔ tɔ́n nwooɠaai kəlee pɔ mɛ̨nį kɛ, və́ lənə li bɔ liɛwoo ta ɓa.

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Mąątɛ̨nɛ̨ 36:1

Nwələ ɲɛ̨itɔwɔmun, Yai-Laa nwɔ tímun Davidə nwɔ wələ woo.

Mąątɛ̨nɛ̨ 37:27

'Hvó kɛ ə́ kaa mɛ̨nį ɲɔ̨n gɛi, mɛ̨nį lɛlɛɛ kɛ; akɛtii, yá ə́ heei hɔlɔɓo a yələ kəlee mɛ̨nį.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Zasua 1:2

«Nwɔ́ tímun Moisə aa haa; yili ɓa tii, ə́ muhəɠə ə́ tɔɔ nuą tɔwɔ ka diɛni ka Ɉurdɛn yái ŋɛ̨i teen. Nɔi ŋɛ̨i ŋį́ naakwɛlanmo Israɛlə lonnii diɛ, ka li ɉu.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.