Zôo 1:5 - Yálá laawoo hɛɓɛ (dc)

⁵ Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Yálá laawoo hɛɓɛ

⁵ Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Bible

⁵ Gúui ŋí kélee a kpɛ̀ɛ, bôlu ma ɣele walai, Zôo a kâa mu sìɣe é sâla kula díkelee dí mɛni ma tɛi-tɛi a gɛɛ é dímaa-waa Ɣâla ŋɛ́i-tuɛ. A kâa m̀ɛnii ŋí kɛ̀ kpɛ́ni fêi a kâa kɛ̀ gíli-ŋa-siai gɛ́ mò ǹyɛɛi, “Tãi da ǹîa-pɛlɛɛi ŋí dɔnɔ è pɔara mâ kɛ̀ é tua-nyɔŋ kɛ́, é Ɣâla larâŋ ǹíi su-pere.”

Zôo 1:5 Iomraidhean Croise

Zɛnɛse 22:3

Mąą yələ laa ɓoɔ, Abrahamə ə humo, yələ ɓoi bɔ lɔwai ə kwɛi ɓɛla, yii di kaa li ɉaláá hɛn gələn ɉii la. Ə nwɔ hoohvaalən hąą yili, ə nwɔ luwɔ hinąą veelɛ həɠə, di tɛɛ diɛ li ɓɛi ŋɛ̨i di nąą lɛ mą, da Isaakə ni kəlee.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Tɔɔɓɛlaa dɔlɔɔ 18:31

Ə kwɛni pow kɔ́w hveelɛ laa laa, yɛ bələi Israɛlə nu huwu hee kpəlin na kaa la a Ɉakɔbə lonnii, yai Yai-Laa ə kɛ mą: «Di kaa pai kɛi ə́ laa ɓaa Israɛlə.»

Tɔɔɓɛlaa dɔlɔɔ 21:10

Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Tɔɔɓɛlaa dɔlɔɔ 21:13

Nu kpoloon veelɛi tii di lɛɛ pɛlɛ Nabɔtə ɓa nuą kəlee ɲɛ̨i ɓa. Diɛ kɛ mą: «Nabɔtə aa Yálá da tɔɔmun di nɛ̨ŋɛ̨n naa.» Ɲąąɓa, di Nabɔtə kulɔ taai, di lɛɛ ɉɔɔi a kwɛni, ə lɛɛ la ɉu ə haa.

Nehemi 12:30

Ɉaláá la həli nuą da Levi huwuhu nuą di di mąąhəɠə, di nɔi lonnii mąąhəɠə, da gbonŋąą, da ɉį́i.

Zôo 1:11

Kɛlaa, ɉɛnŋąą tii ɲəi, hvaa lɔ mąą di kala, a tɛ̨ą kpɔ-kpɔɔ, gɛ́ diɛ: Gaa pai ə́ nɛ̨ŋɛ̨n naai ə́ ɲɛ̨i kwəleen ma.»

Zôo 1:4

Nonnii hinąą di kɛi tɛɛ di kee ni pɔɔli a ɲɛli, diɛ hɛli pu, ə lɛɛ, diɛ di mąąhalani haaɓai təli ɉɛli kɔ̨nɔ̨n ma.

Zôo 2:9

Ɉobə nɛ̨ą yɛ mą: «Ə́ kaa lɔ pai lɛɛi ə́ wɔ túwɔ́ pələ lɛlɛi ŋɛ̨i ɓa a hvóló kəlee? Yálá nɛ̨ŋɛ̨n naa, ə́ haa tɔ́nɔ̨!»

Zôo 27:10

A pɛli mɔ̨ɔ̨ galihva ɓoi Huwalawala Kəlee Nąmu ɓa, a pɛli mɔ̨ɔ̨ Yálá təlii a lɔwai lɔpee.»

Zôo 41:25

Gɔɔmąą hvo lɔi mɛ̨i, ɲɔw hva too ɉu yɛnɛ̨ɛ̨ ɓɛ.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Zôo 6:14

Nui naanɔ̨nwɔ̨ ɓoɔ, mąąnɛ̨ɛ̨ mɛlan ə ɲɛ̨imąąwɛli kaa: a wala kɛ ti, Huwalawala Kəlee Nąmu nwɔ ɲɔw mąą laa hva kɛ ɉu.

Zôo 8:4

Akɛ ə́ lonnii di nɛ̨ŋɛ̨n ɉəɠə mą, Ə di nwun nɛɛ di wɔ túwɔ́ pələ ɲɔ̨n ɉu.

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Lɛɛ gbɔwɔ ɓa 18:12

Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Lɛɛ gbɔwɔ ɓa 24:5

Yili pulu, ə Israɛlə hilɛlɛa tɔɔ yiliɠaai di Yálá mąąwiɛ haláá kulɔ, di nįŋɛ̨ gbɔnŋaa paa Yai-Laa ɓa a liilaa haláá.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Lukə 1:75

Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Ɉaan 11:55

Ɉuifəɠaa di wɔ pakə hɛli mąą kpua kɛa kɛ, nɔi nuą di kɛi li Ɉerusalɛmə daai Ɉɛli pu hvoló tɔwɔ ə gɛ, di di mąąhəɠə.

Gɛlaɠaa 21:26

Mąą yələ laa ɓoɔ, Polə ə nu nąąn ti həɠə, ə li a diɛ, di di waa kɔwɔ tɔɔ da diɛni yɛ bələi di huwu la mɛ̨nį kaa la. Polə ə li Yálá hee pɛlɛ́ mu, volói mąąnɛ̨ɛ̨ di paa la a nu tɛitɛi nwɔ Yálá kɔ́ hɛn, di mąąhəɠə haláá kulaa pulu, ə guu hee.

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Samuɛlə dɔlɔɔ 16:5

Ə di woo ŋąąpənə, yɛ diɛ: «Liilaa ə tɛɛ ka pɔ, nɛlɛɛ ɓə ŋą́ paa la. Ŋą́ pa haláá kulɔi Yai-Laa ɓa. 'Ka ká mąąhəɠə, ka pa gu ɉaláá kulɔ.» Samuɛlə ə Ɉɛse da nonnii di mąąhəɠə, ə di tə li ɉaláá kulɔi.