Zôo 1:3 - Yálá laawoo hɛɓɛ (dc)

³ Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Yálá laawoo hɛɓɛ

³ Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Bible

³ Núu da fé kɛ́ ní a dɔ̂ɔ é seri Zôo pɔ́ nyii kɛ̀ Eezuɛ-lɔii ŋɔfólo kulâi pere. Ƃála wála lɔ́ɔlu mɛi feerɛ (7,000) da soo-fáleŋ wála saaƃa (3,000) da tíi-kɛ-niŋa sirɛ wála tɔnɔ (1,000) é pɛ́lɛ wɛlɛ-sôo ŋuŋ lɔ́ɔlu (500) ma. Nalôŋ ŋí yée-mu-ƃelai díwɔlɔ kɛ̀ kpɔ́ a dítamaa pólo-polo.

Zôo 1:3 Iomraidhean Croise

Zɛnɛse 12:16

Nɛ̨ɛ̨nui tii mąą mɛ̨nį ɓa, tɔɔmun ə ɲɛ̨i lɛlɛɛ hee Abramə ɓa. Ə taatɛlɛɛɠaa tɛɛ bɔ: ɓɛlaa, ɓolu da nįŋɛ̨, ə mą kɛ luwɔ hinąą da luwɔ nɛ̨ąą, ə bɛlɛ nwɔ̨nɔ̨ hoohvaalən ɉilɛɠaa da ɉaaɠaa diɛ, da ɲɔ̨nwɔ̨mɛ̨ɛ̨ɠaa.

Zɛnɛse 12:5

Abramə ə nɛ̨ą Sarai həɠə, ə bɛlɛ mąnįn Lɔtə ɓa da hɛn gɔw kpɔ kɛ ɲəi, ə mą kɛ huwɔɠaai ə di ya Haran lɔi hu, ə li a gəlee. Ə muhəɠə, ə ɲɛ̨i haŋą Kanaan lɔi hu pələ. Ɓɛlɔwai Abramə ə li la Kanaan lɔi hu,

Zɛnɛse 13:6

Gɛɛnąąi ŋɛ̨i di kɛ laa nąą tiikpəi kɛ di mąą mɛ̨nį ɓa, mąąhɔlɔɓo, gəlee hveelɛi di kɛ a hɛn nąmįną, di hva pɛli kɛ heei kɛɛnąą tɔ̨nɔ̨.

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 25:6

Ɓɛlɔwai ə kɛ la a vulú, nɛ̨ąąɠaai ə ɉəɠə Sara haa pulu, ə mɛ̨inɛ̨ɛ̨ kɛ gəlee lonnii diɛ, ə di mąą kwɛa Isaakə ɓa, di li di hee Kɛdɛmə lɔi hu pələ.

Zɛnɛse 29:1

Ɉakɔbə ə hvilɛn bələ ɓa, yɛ li Kɛdɛmə lonnii di wɔ lɔi hu.

Zɛnɛse 32:14

Ɉakɔbə ə yii gɛɛnąąi tii. Daatɛlɛɛɠaai kɛ ɲəi, ə niɛ Esau hąmą a da.

Zɛnɛse 34:23

Akɛ gwa hvaa di woo ɓa, da pa di hee gu kwɛlɛ; di yəi hɛn gɔw da di yəi taatɛlɛɛɠaa di kɛ a gu wɔɔ.»

Samia Veerɛi 12:2

Ɓɛlaa kpulu, da Nįŋɛ̨ kpulu ə kɛ ɉɛn gɔw námui tii yəi kpɔ kɛnɛ̨.

Tɔɔɓɛlaa veelɛ 15:20

Menahɛmə ə nwalii tii hɔlɔɓo nįįhɔ̨nwɔ̨i ŋɛ̨i ə gulɔ Israɛlə nuą diɛ, ə da kulɔ nwali nąmįną yəi. Nu tɛitɛi ə kɛi wali kwələ pow lɔɔli kulɔ. Ə kɛi gulɔ yɛ dɛɛ Asiri tɔɔmun bɔ, əgɛ, yili ə bulu pənə hvo lɔ nɔi.

Tɔɔɓɛlaa veelɛ 3:4

Moabə tɔɔmun Mesa ə kɛ a taatɛlɛɛ tɔɔmun, ə kɛi daatɛlɛɛ tii nii hɔ̨ŋɔ̨ kulɔ a ɓɛlaa lon nwaa nwun dɔ̨nɔ̨, da ɓɛlaa haa waa nwun dɔ̨nɔ̨, bɛlɛɛ di lɛɠa ɓa, yɛ dɛɛ Israɛlə tɔɔmun bɔ.

Kɔlɔnikɔ Maa-ŋuŋ 27:30

Ovilə Ismaɛlə mun da ɓə kɛ ɲɔ̨nwɔ̨mɛ̨ɛ̨ɠaa nwun na. Yehdeyahu Meronotə mun mə kɛ ɉoohvaalənŋąą nwun na.

Kɔlɔnikɔ Veerɛi 26:10

Yili pulu, ə kɔ́-pɛlɛɠaa tɔɔ nɔi pun ɉu, ə yálɔwa tamąą tee, mąąhɔlɔɓo, taatɛlɛɛ kpulu tamąą di kɛ ɲəi; tíikɛnuą di kɛ ɲəi nɛ̨ŋɛ̨ lɔi hu da ɉɛɠɛɛ pələ. Viɲə yɛɛ laa nuą di kɛ ɲəi ɲeeɠaa ɓa da Karmɛlə yee ɓa. Mąąhɔlɔɓo, tíi kɛɛ wɛli ə kɛ mą.

Kɔlɔnikɔ Veerɛi 32:29

Ə taaɠaa tɔɔ a gbɔwɔ nwɔɔ, ə taatɛlɛɛ kpɛa-kpɛaa da bɛlɛɛ-pɛlɛɛɠaa hɔlɔɓo kpɔ a ɉu kɛnɛ̨ɛ̨, mąąhɔlɔɓo Yálá ə gɔ́ a hɛn gɔw kɛnɛ̨ɛ̨.

Zôo 1:10

Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Zôo 1:4

Nonnii hinąą di kɛi tɛɛ di kee ni pɔɔli a ɲɛli, diɛ hɛli pu, ə lɛɛ, diɛ di mąąhalani haaɓai təli ɉɛli kɔ̨nɔ̨n ma.

Zôo 21:28

Ka káá kɛi diɛ: «Túwɔ́ pələ ɲɔ̨n gulɔ mun nwɔ pɛ́lɛ́i wɔɔ? Bɛlɛi gɛɛ kalamun ti ə kɛ mu, gaa mi?»

Zôo 29:25

Ŋį́ kɛ heeni di nwun na, gɛ́ di hiɛ kpaalə lɛ diɛ, ŋį́ kɛ di lɔwai yɛ tɔɔmun a kɛ nwɔ nuą lɔwai, gɛ́ ɓo yɛ nui a liikələn gwəi nuą liilaa.

Zôo 31:25

Akɛ nwɔ́ kwəinɛ̨ɛ̨ lɔ ɓaa kɛ a ɲə́i hɛn gɔw, a ɉɛnŋąąi ɲéé ə gwɛli,

Zôo 31:37

Gáá pai ɉiɛ pələ tɛitɛi hukulɔi Yálá ɓa, gáá pai naakwiɛn ɉii yɛ tɔɔmun non.

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Zôo 42:12

Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Ɉeremi 49:28

Mɛ̨nįi Yai-Laa kaa moi yɛ hvilɛn na, Kedarə da Hasɔrə tɔɔ lɔiɠaa, diɛi tii Babilonə tɔɔmun Nabukodonosorə ə di hon kɔ́ hu, ya ka: «'Ka ká muhəɠə, ka kɔ́ pɛlɛ Kedarə ɓa; ka Kɛdɛmə nuą hukala.

Lonon mo 23:7

Nąąlɔwai, Balaamə yɛ kɛa nwələi ŋɛ̨i too, yɛ kɛ mą: «Balakə ə də́li Aramə lɔi hu, Ŋą́ kɛ Kɛdɛmə yee lɔiɠaa hu, Moabə tɔɔmun yɛ də́li. Yɛ kɛ mą́ą́: 'Pá ə́ Ɉakɔbə nɛ̨ŋɛ̨n naa! 'Pa ə́ Israɛlə ɲɛ̨i paa.

Nwun mąąɓo 6:3

Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Nwun mąąɓo 8:10

Ɉɛva da Salmuna, di kɛ Karkɔrə, di wɔ kɔ́kulááɠaa daa lɛɛ kɛa a nu waa pow kɔ́w lɔɔli. Nuąi həɠə voló kulɔi pələ, diɛ lɔ li kɛ. Yiiɠaai haa, di kɛ a nu waa nwun dɔ̨nɔ̨, nu waa pow hveelɛ.

Samuɛlə dɔlɔɔ 25:2

Hulɔnu ta ə kɛ Maɔn daai, ɲəi hɛnŋaa di kɛ Karmɛlə. Ɉulɔnui tii ə kɛ a hɛn gɔw ną́mu kɛnɛ̨. Ɓɛlaa waa haaɓa da Ɓɔɔli waa tɔ̨nɔ̨ ɓə kɛ ɲəi. Nąąlɔwai ɉulɔnui tii ə tɛ Karmɛlə yee ɓa nwɔɔ taatɛlɛɛɠaa ləɠa tee mɛ̨nį ɓa.

Samuɛlə dɔlɔɔ 27:9

Davidə ə kɛi nuą paa, yɛi kɛ a hulɔnu a wala kɛ tii nɛ̨ɛ̨nu, hvo kɛi da lɛɛ yɛnɛ̨ɛ̨. Yɛ di wɔ taatɛlɛɛɠaa gbɛa-kpɛa da bɛlɛɛ-pɛlɛɛ, ɉoohvaalənŋaa, ɲɔ̨nwɔmɛɛɠaa da həɠəɠaa yɛ gəlee həɠə. A pənə kɛ a pa, ə kɛi li Akisə pɔɔli.