Zôo 1:21 - Yálá laawoo hɛɓɛ (dc)

²¹ Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Yálá laawoo hɛɓɛ

²¹ Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Bible

²¹ È mò ǹyɛɛ, “Ḿve pá ní ƃɛ́ a sɛŋ da, ǹyaŋ fé pâi liî a sɛŋ da. Yâwɛɛ ƃé dɛ̀ɛ ǹyaŋ, Yâwɛɛ aâ ŋɔ́nɔ zìɣe pôlu. Laa ma-tɛ é tɛ́ɛ Yâwɛɛ pɔ́.”

Zôo 1:21 Iomraidhean Croise

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zɛnɛse 30:2

Ɉakɔbə ə niiɲąnwąną kpɔ kɛnɛ̨, yɛ Rasɛlə ɓa: «Gáá ə́ kwɛi Yálá ɓa ɲą́ą́? Yálá ɓə ə́ kɛ a kpomąnɛ̨ą, ɲą́ą́ hvəi.»

Zɛnɛse 45:5

Ka kwəi hvo pili kaa, ɛlɛɛ, ka líí hvo holi ka kpɔwɔ pɔ́, nɔ́wɔ tɔɔ mɛ̨nį ɓa. Yálá ka tii hvaa mą, ŋį́ pa ɓɛ nɔi, ə gɛ,, ka nwun mąą ə ɓo.

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Tɔɔɓɛlaa dɔlɔɔ 12:15

Tɔɔmun və nwəli tɔɔ nuą woo ɓa, bələ ɓə Yai-Laa ə tɛɛ la mɛ̨nįi tii ta ə mo Silo mun Ahiya laaləi, yɛ mo Nevatə lon Ɉeroboamə ɓa, yɛ bɔ mɛ̨nį kɛ.

Tɔɔɓɛlaa veelɛ 20:19

Ezekiasə yɛ Esai ɓa: «Yálá lawoo ŋɛ̨i ə́ mo mą́ą́, nɛlɛɛi.» Ezekiasə ə kɛi mo gwəi pələ, yɛ kɛ diɛ: «Nwɔ́ yɛ́nɛ́ɛ́ kaa pai kɛi a liilaa yɛnɛ̨ɛ̨.»

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

Zôo 1:11

Kɛlaa, ɉɛnŋąą tii ɲəi, hvaa lɔ mąą di kala, a tɛ̨ą kpɔ-kpɔɔ, gɛ́ diɛ: Gaa pai ə́ nɛ̨ŋɛ̨n naai ə́ ɲɛ̨i kwəleen ma.»

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Zôo 9:12

A hɛn ɉon, gbɛɛ ɓə a gulɔ ɲəi? Gbɛɛ ɓə a kɛ mą: Lə ɓə ŋɛ̨i ə́ kaa gɛi?

Mąątɛ̨nɛ̨ 34:1

Davidə nwɔ wələ. Ɲələi Davidə ə gbɔwɔ kɛ la a ɓowomun Abimelɛkə ɲɛ̨i ɓa, yili yɛ gbɛ, Davidə yɛ həɠə laa.

Mąątɛ̨nɛ̨ 34:2

Gáá Yai-Laa laa mąąwiɛi a yələ kəlee, mąątɛ̨nɛ̨ woo hva kpɛɛ ná.

Mąątɛ̨nɛ̨ 39:9

Gúlɔ gɛ́ nɛ̨ŋɛ̨n gəlee yəi, hvó dóó ɓowoɓɛlaa la.

Mąątɛ̨nɛ̨ 49:17

Ə́ mą nu ta kaa yɛ hɛngɔw kɛnɛ̨ hɔlɔɓo, yili hvo ə́ mąąɲɔw, ə mą kɛ, nwɔ pɛ́lɛ́i nwɔ mąąwiɛlaa hu kaa kɛnɛ̨i.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Ikilisiati 5:14

Bələi lɔ tii nee ə gaa la, a gbuwulu, bələ lɔ ɓə ə həɠə la lɔi mɛ̨i, hɛn da hva lɛɛ ɲəi. Gɛ kólóɠaai ə kɛi gɛ, hva dɔlɔ kulɔ, Mąąhɔlɔɓo, hɛn da hva lɛɛ ɲəi yɛ bulu pənə la.

Ikilisiati 5:15

Yili kaa a mɛ̨nį ŋąąnwąnąą kɛnɛ̨ɛ, mąąhɔlɔɓo, ə həɠə lɔi mɛ̨i yɛ bələi lɔ ə paa la. Tɔlɔ lə kɛɛ kpɔ ɓə ə ɉɔlɔɓo? Gɛ kóló ə tɛɛ lɔ yɛ hvaŋą.

Ikilisiati 5:19

Mɛ̨inɛ̨ɛ̨ tii Yálá a gɛ mąą nu ɓa, yɛ ɲąąnɛ̨ɛ̨ kulɔ, a lɛ̨ą, hva kɛa giliŋąhiɛ, yɛ kɛ: Ɲíi hvóló hu kpuaai.

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Azaya 42:24

Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Woolaa 3:38

Kɛlɛi Hɛn-Gəlee-Mɛ̨imun naaləi lɔ ɓə, ɲąąnwąnąą da ɲąąnɛ̨ɛ̨ da kulɔ laa-ee!

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Ifisiɛŋ 5:20

Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Timote dɔlɔɔ 6:7

A tɛ̨ą, gu hvo pa ɓɛ yɛnɛ̨ɛ̨ a hɛn da, gu hvo nwɔ̨nɔ̨ pai lii a hɛn da.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Rutə 1:21

Gɛ́ɛ́ həɠəi ɓɛ gə́ li, ɲéé laahvɛɛ kɛ, kɛlaa, Yai-Laa aa pənə aa pa a ɲą́ą́ a ɲéé howolo. Ka hvo kɛa kɛ mą́ą́ Naomi, mąąhɔlɔɓo, Yai-Laa aa ɲɛ̨i ɲɔ̨nwɔ̨ɔ̨ hee mą́ą́, Huwalawala Kəlee Nąmu Yálá aa mɛ̨nį ɲąąnwąnąą laa mą́ą́.»

Samuɛlə dɔlɔɔ 2:7

Yai-Laa ɓə a nu kɛ a yeehowolo mun, yɛ nu kɛ a hɛn gɔw nąmu. A nu nwun mąą yɛɛ, yɛ nwɔ̨nɔ̨ nu nwun muhəɠə.

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Samuɛlə dɔlɔɔ 3:18

Samuɛlə ə mɛ̨nįɠaai tii kəlee hukulɔ mą, hvə da loo ma. Eli yɛ mą: «Ya ɓə a Yai-Laa, yii a nɛ̨ɛ̨ mą, ə gɛ.»