Zĩi 5:3 - Yálá laawoo hɛɓɛ (dc)

³ Ká wɔ hɛnii da ká wɔ walii, ɓɛ̨nɛ̨ aa hee diɛ; mɛ̨nɛ̨i tii ɓə pai ká mąą kɛla hvaa ɓoi, yɛ ká kələn yɛ nwɔ̨n. Vóló gbɛlamąąɠaai ŋɛ̨i yee mu, káá hɛn gɔw kpɔn gee ɓa.

Yálá laawoo hɛɓɛ

³ Ká wɔ hɛnii da ká wɔ walii, ɓɛ̨nɛ̨ aa hee diɛ; mɛ̨nɛ̨i tii ɓə pai ká mąą kɛla hvaa ɓoi, yɛ ká kələn yɛ nwɔ̨n. Vóló gbɛlamąąɠaai ŋɛ̨i yee mu, káá hɛn gɔw kpɔn gee ɓa.

Bible

³ Kpɛ̃ɛ a pâi pɛlɛ̂i kágôo-ŋai dîa da kákane-ŋai. Ǹyaŋ maa-kpɛ̃ɛi a pâi kɛ̂i a kámaa-sere-ŋa é kákpono mii yɛ̂ɛ ŋɔŋ. Ka laai-kɛ-sɛŋ lâai kɛ́ a ŋelei-kpɛɛ-ŋa-ŋai.

Zĩi 5:3 Iomraidhean Croise

Zɛnɛse 31:48

Laban yɛ Ɉakɔbə ɓa: «Gwɛni hįį ŋɛ̨i kaa háákələi a ɲą́ą́ gwa yɛ́ gu lɔwai kɛla.» Mɛ̨nį gɛ da kɛ gɛɛnąąi tii laa ɓaa: «Galeedə», mukulaa ɓaa: «Kɛla kwɛni hįį.»

Zɛnɛse 31:52

Gwɛni hįį ŋɛ̨i da yii ŋɛ̨i tɔɔni ɉamąi, di kaa a gu lɔwai kɛla, yɛ ɓo a gu ɲɛ̨n, vá mąą teen və́ pa ə́ pɔ a kɔ́, yáán, hva mąą teen hvó pa bɔ́ a kɔ́.

Zɛnɛse 49:1

Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Zôo 16:8

Yaai ti aa kɛ a nwɔ́ kɛla, aa pɛlɛ mą́ą́, gɔ́lɔ́i ŋɛ̨i yohvai, aa gɛ́ a hɔn mąą mun.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Mise 3:3

Nuąi da kɛ nwɔ́ nu huwui kɔ́lɔɓoi, diɛ di huwɔ mįi, diɛ di kɔ́wɠaa hu yali yali, diɛ di huwɔ tee yɛ da kɛi pa ɲilii, yɛ huwɔi di pai bui ləɠii.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Timote veelɛ 2:17

di hvaa woo kaa a kɛɛ kala mɛ̨nįi a taɠa-taɠa. Bələ ɓə Himene da Filetɔsə di kaa la.

Zasua 24:27

Ɉosue yɛ Israɛlə nuą kəlee diɛ: «Kaa gwɛnii ŋɛ̨i kaa, ya ɓə pai kɛi a gu mąą kɛla. Mąąhɔlɔɓo, ə Yai-Laa woo mɛ̨n, ɓɛlɔwai gwa diɛni gu kɛi mɛ̨nį ɓo la. Gaa pai kɛi a ka mąą kɛla, yɛ kpəɲan ka tɔwɔ, ka hvo nee pa ka wɔ Yálá ɓowo.»

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»