Zĩi 5:19 - Yálá laawoo hɛɓɛ (dc)

¹⁹ Ną́n nonnii, ká ta a lan, a mąąkwɛa tɛ̨ą ɓa, nu ta a tɔɔ dɔwɔ ə pənə ə paa la,

Yálá laawoo hɛɓɛ

¹⁹ Ną́n nonnii, ká ta a lan, a mąąkwɛa tɛ̨ą ɓa, nu ta a tɔɔ dɔwɔ ə pənə ə paa la,

Bible

¹⁹ Ŋánûa, à kɛ̀ núu da káa kásama a kûla dɔ̃yâi mâ, ǹúui à pà la pôlui,

Zĩi 5:19 Iomraidhean Croise

Mąątɛ̨nɛ̨ 119:118

Nuąi daa di mąą kwɛa ə́ laawoo ɓa, ə́ di pili, mąąhɔlɔɓo, di kɛ mɛ̨nįɠaa ə kɛ lɔ a lɛɛ.

Mąątɛ̨nɛ̨ 119:21

Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Hanwon 19:27

Nón mɛ̨nįi di kaa ə́ liɛwoo kɛi la, yá yili lɛɛ, yá həɠə kili pələ mɛ̨i, hvá mɛ̨nį kɔlɔn.

Azaya 3:12

Éé kə́! Nwɔ́ nu huwui! Nwɔ́ nu huwui laanɔ̨nwɔ̨ ɓomun gaa a tunun, nɛ̨ąą ɓə mun nɔi ɲąąwoo kaa di la; Éé kə́! Nwɔ́ nu huwui! Nuąi ka ɲɛ̨́i tɔwɔ di kaa ka lan ɉi, di kaa pələ lɛi kaa a viənŋąą.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Maafîu 18:15

«Akɛ nu ta a mɛ̨nį ta kɛ a yɛ́, li ə́ mo mą ka nu hveelɛ kɛɛnáá. A ɉɔn gɔlɔn, ə nɛ̨ɛ̨mąą hvə, akɛ tii yáá ə́ ɓɛlan ɉɔlɔɓo.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Timote dɔlɔɔ 6:21

Nuą tamąąi daa di laa lɔ yili hu, daa di kpɔwɔ mąą kwɛa laa na pələ ɓa. Yálá ŋą mɛ̨inɛ̨ɛ̨i ə kɛ ká pɔ.

Timote veelɛ 2:18

Daa həɠə tɛ̨ą pələ mɛ̨i, diɛ kɛ, haaɓɛlaa daa gbɛa nwun; diɛ nu tamąą di wɔɔ laa na laa həɠə la tii bələ mɛ̨i.

Hebreu 5:2

Ɉaláá laa həli mun gbinįi tii, vįikpɛɛi, a pɛli mą, nuąi di tɛɠii, nuąi da lan di mąą mɛ̨nį kpaɠala kaai,

Zĩi 1:16

Ną́n nonnii, 'ká hvo ká kpɔwɔ ɓɔwo, nwɛ́likɛmąą nuą.

Zĩi 1:19

Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,

Zĩi 3:14

Kɛlaa, tolo a kɛ ká hu, da wɛlikpɛɛmąą laa, ká hvo ká kpɔwɔ ɲąąkɛnɛ̨, ɛlɛɛ, ká hvo lɛɛ pɛlɛ tɛ̨ą ɓa a ká túwɔ́ pələ.

Zĩi 5:20

ká gili ə pu ɉu káá, nui a pənə a nɛ̨ŋɛ̨n ɉəɠəmun vilɛn tɛ̨ą pələ mɛ̨i, a kɛ ti, aa mąą nu nwun mąąɓo, ɛlɛɛ, aa nɛ̨ŋɛ̨n gbulu tamąą waa.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.