Zĩi 4:12 - Yálá laawoo hɛɓɛ (dc)

¹² Yá pa, nu tanɔ̨i lɔ ɓə dɔn dɔɔ, yaa lɔ ɓə a kiti teemun: Yaa lɔ ɓə a nu nwun na pilii, yɛ ɓalo. Gbɛɛ ɓaa a yɛ́, yai yá ə́ ɓɛlan gaalon giti tee?

Yálá laawoo hɛɓɛ

¹² Yá pa, nu tanɔ̨i lɔ ɓə dɔn dɔɔ, yaa lɔ ɓə a kiti teemun: Yaa lɔ ɓə a nu nwun na pilii, yɛ ɓalo. Gbɛɛ ɓaa a yɛ́, yai yá ə́ ɓɛlan gaalon giti tee?

Bible

¹² Tɔ̂ŋ-tɛɛ-nuu tɔnɔ da mɛni-ŋa-tee-nuu tɔnɔ nɔ́ ƃe naa, nyíi pɔ̂ri káa mì a gɛɛ é ƃálo-laa tɛ̀ɛ, kpaa máŋ é su-kara tɛɛ̂i. Kɛ́lɛ, gbɛ̂ɛ ƃa yá a gɛɛ í íkɔlɛ-ma-nuui ŋɔmɛnii ŋá téei?

Zĩi 4:12 Iomraidhean Croise

Zôo 38:2

Gbɛɛ ɓaa yɛ́, yɛ́ pɛli nwɔ́ mɛ̨nįɠaa hu pui, a ɓowo wooɠaa ɓoɔ?

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Lomaŋ 14:13

Ka gu kpəla gu kee ni la ɓoɔ ɓa. Kəlee yaamun, yii mąąnɛ̨ɛ̨ gu gu kiliŋąhiɛ mą ya ɓa: Mąą hvo nɛ̨ɛ̨li gu túwɔ́ pələ hvo nu ta həɠə Yálá pələ mɛ̨i.

Lomaŋ 14:4

Gbɛɛ ɓaa a yɛ́, yai, nui hvo a yɛ́ tímun, yɛ́ giti tee? Ə tɔɔ-o, ə too-o; ə́ wɔɔ lə mɛ̨nį ɓə ɉu? Da Ną́mu di lɔwai li. Ɛlɛɛ, ɲee kaa pai lɔi, mąąhɔlɔɓo, hvaŋą kaa gu Nąmu yəi, yɛ dɛɛ bɔ.

Lomaŋ 2:1

Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Lomaŋ 9:20

Kɛlaa, yɛi ŋɛ̨i ə́ kaa a nu, lə ɓaa yɛ́, yaai ya Yálá laa hɛatoo? Ləɠi hva kɛ dɔɔmun ma: Ə́ kɛ ŋɛ̨, lə mɛ̨nį ɓa?

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.

Samuɛlə dɔlɔɔ 25:10

Navalə ə Davidə nwɔ nuą woo pulu pənə, yɛ diɛ: «Gbɛɛ ɓaa Davidə, gbɛɛ ɓaa Ɉɛse lon? Luwɔ tamąą kaa yiihu kulɔi di nąmįną pɔ, diɛ pu.