Zĩi 3:17 - Yálá laawoo hɛɓɛ (dc)

¹⁷ Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Yálá laawoo hɛɓɛ

¹⁷ Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Bible

¹⁷ Kɛ́lɛ, dárei nyíi a kûla ŋ̀elei sui, mɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tii-lɛlɛ, woo-kɛ-ńâ-feerɛ fé zu, kiri-mɛni fé zu.

Zĩi 3:17 Iomraidhean Croise

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Kɔlɔnikɔ Maa-ŋuŋ 22:12

Gɛ́! Yai-Laa ə mɛ̨nį hukpɛ kili tɛɛ ə́ pɔ, ə bɛlɛ nwun gɛ ɉu laa ɓa, ɓɛlɔwai gaa pai ə́ heei la Israɛlə nwun na; əgɛ, ə́ Yai-Laa ə́ wɔɔ Yálái nwɔ tɔ́n naahɔnmo!

Kɔlɔnikɔ Maa-ŋuŋ 22:9

Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Zôo 28:12

Kɛlaa, kili mɛ̨nį nwɛi, mįnɛ̨ ɓə a hɔlɔɓo laa? Mįnɛ̨ ɓə mɛ̨nį kɔ́lɔn ŋąą kaa laa.

Zôo 28:23

Yálá ɓə ɉəɠəi pələ kɔ́lɔn, nwɛi, ɓɛi gaa laa, ə nąą kɔ́lɔn.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Lɛɛ gbɔwɔ ɓa 36:2

Moisə ə Besalɛlə da Oholiavə təli, da nuąi kpɔ Yai-Laa ə di kɔ́ a kili, di kəlee di kɛi pa góló ɓa, a di kwəinɛ̨ɛ̨, diɛ góló kɛ.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Malasi 3:3

Gaa pai heei, ə gɛ, ə liɓi da nɔ̨nwɔ̨ di waa. Bələi tii da hɛni da wali kwɛli di waa la a nwɔ̨n, bələ ɓə gaa pai Levi nu huwu mąą həɠəi la. Nąąlɔwai tii ɓə, haláá laa həli nuą da Yálá kɔ́ hɛn naa həli la Yai-Laa ɓa a ɉaŋąą, yɛ bələi bɛliɛi la ɉu.

Maafîu 23:28

Pələ kpɔlɔ ɓə ka káá la. Ka ka kpɔɔ lɛ nuą diɛ, a nu haŋąąɠaa a mɛ̨nį gɛ, tɛ ɲɛ̨i mɛ̨nį kɛ laa da mɛ̨nį ɲɔ̨n giliŋąhiɛ lɔ ɓə gaa kaa.»

Maafîu 5:8

Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Maafîu 5:9

Nwun na nɛ̨ɛ̨ nuą ɓaa nuąi da hvaa kpɛɛ. Mąąhɔlɔɓo, Yálá a di təli a nonni!

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 6:36

Mąąnɛ̨ɛ̨, ka laa ə hvɛɛ a mɛ̨nį lɛlɛɛ, yɛ pələi ka Nan Yálá laahvɛɛ la a mɛ̨nį lɛlɛɛ kɛɛ.»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Gɛlaɠaa 11:24

Barnabasə, ə kɛ a nu haŋąą, Kili-Mąąhəɠɛɛ yɛ ɓo bɔ, da laa na laa. Nu kpulu kɛnɛ̨ ə hvilɛn gu Ną́mu pulu.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Lomaŋ 15:14

Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 6:6

mąąhəɠəlaa hu, mɛ̨nį kɔlɔnŋąą hu, liikpələ laa hu, lii nɛ̨ɛ̨gwəi hu, a Kili-Mąąhəɠɛɛ, a wɛlikɛmąą laa leelee,

Korɛntə veelɛ 7:11

Niikələn gwəi ti həɠə Yálá pɔ, mɛ̨nįi a gɛ, káá gaa! Kɛlaa, a tɛ̨ą: Aa ká pu káá gílí! Káá nɛ̨ɛ̨mąą hvə, káá ká kpɔwɔ ɓɛlɛ tooi kaa, káá ɲɔw, mą́ą́ lii too mɛ̨nį ká kwəi, ká hvaŋą yɛ lɔ! Ə kɛ a pələi lɔpee, káá kpinįi káá nɛ, káá, ká hɔn və mɛ̨nįi ti hu.

Korɛntə veelɛ 9:10

Yaa tii ɓə, a hihɛn ɉuwu tɛɛ tíi-kɛmun bɔ, yɛ gɔ̨nɔ̨n bɛlɛ mą, yaa lɔ ɓə pai hihɛn ɉuwu tɛɛi ká pɔ, yɛ ɉu kɛnɛ̨, yaa ti lɔ ɓə pai, ká wɔ tələnmolaa má tamąi ɲą.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Timote veelɛ 2:24

Yaan, gu Nąmu ŋą tímun, mąą hvo nɛ̨ɛ̨li a hvaa kɛmun, kɛlaa nu kəlee wɛli ə kɛ mą, bɛliɛ nuą mąąkwɛlii, niikpəlɛɛ nuą woo mu.

Taitɔ 1:15

Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Hebreu 12:11

Hutɔɔ mɛ̨nį lɔpee gəlee, ɓɛlɔwai a kɛ həli la nu ɓa, hva gwəinɛ̨ɛ̨ a ɲələ, a nii ɲąąnwąną. Kɛlaa, ɉu a kwɛa, ɉutɔɔ mɛ̨nįi tii a kɛ mą a liilaa da tələnmolaa.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zĩi 2:4

Akɛ tii, ká kɛɛ nuą lɔwai tɔɔi hvaa a yili? Ɛlɛɛ, káá nuą kiti teei a ɲąnį pələ?

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Piɛrə dɔlɔɔ 2:18

Luwɔɠaa, 'ká lɛɛ ká luwɔ nąmįną woo mu, 'ká ɲɔw diɛ, di mą kɛ, yiiɠaa di wɔɔ mɛ̨nį lɛlɛɛ, yiiɠaai di yíila nɛ̨ɛ̨, ə mą nwɔ̨nɔ̨ kɛ, yiiɠaai di yíila walaa.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.