Zĩi 3:13 - Yálá laawoo hɛɓɛ (dc)

¹³ Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Yálá laawoo hɛɓɛ

¹³ Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Bible

¹³ Gbɛ̂ɛ ƃe dáreɛ̂i gɛ́ mɛni ŋá kàa kásamâi? Tɔɔ é ŋɔtíi lɛ́ ŋɔfúlu-laa lɛ́lɛɛi su maa-yeŋ-pere su, nyíi a kûla táre sui.

Zĩi 3:13 Iomraidhean Croise

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Mąątɛ̨nɛ̨ 122:8

Gáá kɛi diɛ: «Liilaa ə kɛ ə́ pɔɔli,» ną́n nonnii da mɛ́laa di mąą mɛ̨nį ɓa.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 25:9

Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Mąątɛ̨nɛ̨ 45:4

Ee kə! Kuláá kpəɠɛ! 'Kɔ-kɔ-ɓɔwa kpulɔn ə́ ləŋəi, ə́ mąąɲinɛ̨n ni, ə́ ɲɛ̨i pɔ̨nɔ̨ hɛn ni.

Ikilisiati 8:1

Kili hvo nu ɓa, yɛ pɛli yɛnɛ̨ɛ̨ mɛ̨nįɠaa hee pələ hukulɔi. Kɛlaa, ə mą kɛ tii, kilimąą mun nwɔ kili a ɲɛ̨i pɔ̨nɔ̨, yɛ ɲɛ̨i həɠəən.

Ikilisiati 8:5

Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Ɉeremi 9:12

Yai-Laa yɛ diɛ: Mąąhɔlɔɓo, mɛ̨nįi ŋį́ di kalan na, daa nɛɛ laa, di hvo di wəli tɔɔ li nwóó ɓa; di hvo gɛ li di hvo hvilɛn búlú.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Maafîu 5:5

Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Korɛntə dɔlɔɔ 6:5

Yii ŋɛ̨i gáá moi, yili kaa a ká nwumɛ̨ mɛ̨nį. Akɛti, nu ta hvo ka lɔwai yii kili kaa mą, yɛ pɛli ka lɔwai mɛ̨nį ɓoi?

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 8:24

'Ká ká wɔɔ wɛlikɛmąąlaa lɛ kani diɛ a neelee, galan gbɔnŋaa ɲɛ̨i ɓa; ɛlɛɛ, ku kpɔwɔ ɲąąkɛnɛ̨i kwa mo ká mąą mɛ̨nį hu, 'ká nɛ diɛ, káá, tɛ̨ą kaa ku pɔ.

Galatə 5:23

lii nɛ̨ɛ̨ gwəilaa, nu yee pɛliɛɛ gbɔwɔ ɓa, mɛ̨nįɠaai ti nwɛi, tɔ́n və tɔɔ li da ɓa.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Galatə 6:4

Kɛlaa, nu kəlee ə gbɔwɔ túwɔ́ pələ mąą kpɛɛ, a ɲɛ̨i pono mɛ̨nį nwun gaa, ə gaa lɔ gbɔwɔ kpinį hu hva kɛ mɛlaa mąą mɛ̨nį hu.

Ifisiɛŋ 4:2

a ká kpɔwɔ mąą yɛɛ pələ, a liinɛ̨ɛ̨ gwəi laa, a liilaa, 'ká ká liikpələ ká keeni hɔn mu a wɛlikɛmąą laa;

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Timote dɔlɔɔ 4:12

Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zĩi 1:21

Yili ɓa tii, 'ká ká yee kulɔ mąąliɓi mɛ̨nįɠaa hu, da lííholi mɛ̨nįɠaa, Nwoo ŋɛ̨i ɉinŋąą ká hui, yai a pɛli ə ká ɓaloi, 'ká ká yee hee mu a lii nɛ̨ɛ̨ gwəilaa.

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»

Zĩi 3:1

Ną́n nonnii, nu kəlee hvo kɛ, gaa kɛi a mąąkwɛli kɛ nuą, bələi di pai ku kiti teei la a nwalawalaa, ká yili gbaɠala kɔlɔn.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Piɛrə dɔlɔɔ 1:15

kɛlaa, yɛ bələi nui ká təli mąąhəɠɛɛi la, káá kpɛlimąn, 'ká mąą ə həɠə tii, ká tuwɔ́ pələ kəlee hu,

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.