Zĩi 2:7 - Yálá laawoo hɛɓɛ (dc)

⁷ Kɛlɛi diɛ lɔ ɓə da kɛ, Naa lɛlɛɛ ká kɛ vɛlii, mąą kun ɲɔ̨n vaa ɓoi-e?

Yálá laawoo hɛɓɛ

⁷ Kɛlɛi diɛ lɔ ɓə da kɛ, Naa lɛlɛɛ ká kɛ vɛlii, mąą kun ɲɔ̨n vaa ɓoi-e?

Bible

⁷ Dia fa ǹúui nyíi-ŋai da lôno a nyɔ́mɔɔ é pîlaŋ maa-kɛ-maa-laai nyíi Ɣâla é zèe kaai mai?

Zĩi 2:7 Iomraidhean Croise

Mąątɛ̨nɛ̨ 111:9

Ə nwɔ nu huwui hvoloon na ɓo, ə nwɔ mįnɛ̨i laa di nwuɔ̨ a yələ kəlee mɛ̨nį; naa mąąhəɠɛɛi, mąą ɲɔwuɔ.

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 12:24

Yii kɛa Farisiɛ̨ɠaa di yili mɛ̨n, di mo diɛ kɛ diɛ: «Nui ŋɛ̨i hvo kpɛli-kpɛli, ɲį́nɛ̨nŋąą nwun nąmu Beɛlzebulə háálai ɓə gaa ɲį́nɛ̨nŋąą kpɛi la.»

Maafîu 27:63

«Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

Gɛlaɠaa 26:11

Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Ifisiɛŋ 3:15

Yai huwu mɛ̨nį kəlee a həɠə bɔ pələ, lɔi mɛ̨i da yələkɔlɔn ɉu.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Piɛrə dɔlɔɔ 4:16

Kɛlaa, aa kɛli mɔ̨nɔ̨ mįi, mąąhɔlɔɓo, gaa a kristalon, hvo nwumɛ̨, yaamun, ə Yálá mąmąɓo. Mąąhɔlɔɓo, naa tii kaa mą.

M̀ɛni-lɛɛi 19:13

Həɠə kwɛaa ta ə kɛ gwąną, daa nɔ ɲąmą hu, ɛlɛɛ, naa ɓaa kɛ a: «Yálá laawoo.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»