Zĩi 2:6 - Yálá laawoo hɛɓɛ (dc)

⁶ Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Yálá laawoo hɛɓɛ

⁶ Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Bible

⁶ Kɛ́lɛ, ka ƃâa kula gôlo-nuui ma. Dɔɔ-ƃelai dífa káluaŋ? Dia fa pa a káa kôti sui?

Zĩi 2:6 Iomraidhean Croise

Zôo 20:19

Mąąhɔlɔɓo, ə kɛi mąąwɛli mun giin, yɛ nɛɛ a ɲee howolo, yɛ pɛlɛ nwuɔ̨ yɛ lɔ mu, hva pɛli pɛlɛ tɔɔi.

Mąątɛ̨nɛ̨ 10:10

A kɛi mąąhɛn kɛ, a mąą yɛɛ, yɛ mąąpɛlɛ, yɛ laŋąn nɔi ɓa, yɛ too mąąwɛli nuą mɛ̨i.

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Mąątɛ̨nɛ̨ 10:2

Nwąnąlɔmun nwɔ nwąnąlɔlaa kɔ̨nɔ̨n maa mąąwɛlimun, nwɔ gbąnąlaa hɛlɛn lɔ ɓə a too ɲą.

Mąątɛ̨nɛ̨ 10:8

Aa pələ hɛlɛn dɛ veen ɉu, yɛ nuą mąąhɛn, nooɔ kpɔ kɛnɛ̨, yɛ kwəikwələmun baa, yɛ ɲɛ̨i laa a mąąwɛlimun; yɛ mąąhɛn.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 14:6

Ka kɛ mąąwɛli nuą di wɔ kilitɔɔmąąlaa hviə-hviə tɔɔi. Kɛlaa, Yai-Laa hvaŋąn mu ɓə, a di mąąkilɛi.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Hanwon 18:23

Yeehvowolomun a pələ ɓo a nɛ̨ɛ̨ mąą hvə pələ, hɛn gɔw nąmu yɛ nu woo hutoo a hilɛwoo.

Hanwon 22:16

Nui a mɔ̨nɔ̨ laa yeehvowolomun mɛ̨i, a lɛɛ ɉu, ɲeehvowolomun tii ə kɛ a hɛn nąmu. Nui a hɛn gɔw nąmu kɔ́ hɛn, a gbɔwɔ hvɛɠɛ.

Hanwon 22:7

Hɛn gɔw nąmu a hee yeehvowolomun mɛ̨i, kwələ tɔɔ mun nwɔ luwɔ ɓaa kwələ həɠə mun.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Habakukə 3:14

Ya ku yowoɠaa di kpɔkpɔɔ mɛ̨ɛ̨kɔw həɠə, ə́ mɔ di nwun ɉu. Ku yowoɠaa da kpuluun, diɛ pa ku hu taɠai; di pa pələ a kɛ yɛ tulɔ hvaŋą, diɛ tómą a kwəinɛ̨ɛ̨. Di kɛ pələ pɛliɛ, diɛ pa nu paai loo hu.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Ɉaan 8:49

Jesus yɛ diɛ: «Kpaa! Ɲįnɛ̨n və búlú. Kɛlaa, gáá Ną́n mąąwiɛi; kaan, kaa mɛ́lɛ́kpɛɛmą́ą́.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Korɛntə dɔlɔɔ 11:22

Pɛ́lɛ́ hvo mɔ̨ɔ̨ ká yəi káá kɔ̨nɔ̨n mįi mu, káá ká kpələ laa? Ɓaa, gbɔn ɓə mɔ̨ɔ̨ ka káá mɛlɛ tooi? Ɛlɛɛ nuąi hɛn və di yəi kaa di nwumɛ̨ la tii? Lə kpɔ ɓə ŋą́ pɛli moi káá, ka túwɔ́ pələ a kɛ tii, mąąnɛ̨ɛ̨ ŋą́ ka mąątɛ̨nɛ̨? Vá kpɔ tai gɛ! Vá ka mąątɛ̨nɛ̨ yili hu.

Zĩi 2:3

akɛ, ká ká ɲɛ̨i lɛlɛɛ hee lɔ nui tii mąąyiliɛ a nɛlɛɛ mą, káá kɛ mą: «Yɛ́! 'Pá ə́ hee ɓɛ gbəlin nɛlɛɛ hu»; ɛlɛɛ, káá kɛ ɲeehowolomun tii ɓa: «Ə́ wɛi, tɔɔ ɓɛ!» Awala kɛ tii káá mą: «'Hee ɓɛ gɔ́wɔ́ mu, gbəlin gbuɔ mɛ̨i!»

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Zĩi 5:6

Káá kiti kala nuą diɛ, káá tələnmomun baa, hva mąąkɔ̨nwɔ̨ ká yəi.