Zĩi 2:16 - Yálá laawoo hɛɓɛ (dc)

¹⁶ ɛlɛɛ, ká ta, yɛ kɛ mąą nuąi tii diɛ: «'Ká li, 'ká ká mąą yili a nɛlɛɛ, 'ká pilɛ», akɛ yii mąą kpaan kaa diɛ, di ɲɛnɛ̨ɛ̨ kɛ la hvo di yəi, ká hvo dɛɛ li di pɔ, yili nwun mąą a lə?

Yálá laawoo hɛɓɛ

¹⁶ ɛlɛɛ, ká ta, yɛ kɛ mąą nuąi tii diɛ: «'Ká li, 'ká ká mąą yili a nɛlɛɛ, 'ká pilɛ», akɛ yii mąą kpaan kaa diɛ, di ɲɛnɛ̨ɛ̨ kɛ la hvo di yəi, ká hvo dɛɛ li di pɔ, yili nwun mąą a lə?

Bible

¹⁶ kátɔnɔ da é m̀ó mà, nyɛɛi, “Li lii-sêe su, íkponôi é fãa í péla,” ǹyaŋ zɛŋ gáa ŋ̀wɛ̂lii gbonoi mɛni mai, ve dɛ̀ɛ ní bɔ̀, gɛ̀ ní, lé ƃe a pɔ̂ri gulâi nyíŋi sui?

Zĩi 2:16 Iomraidhean Croise

Maafîu 15:32

Jesus ə nwɔ kalan nɛai kəlee təli yɛ diɛ: «Nuą ŋɛ̨i mąąwɛli aa Ɉón, və́ bɔ di hvo lɛɛ a pulu, gwa diɛ ni guɔ gu ɓɛlaɓo, ə gɛ, di púlú pənəi lɔwai, da hvo pa kpɔlɔɔn a pulu.»

Maafîu 25:35

Mąąhɔlɔɓo, pulu ə kɛ mą́ą́, ka gɔ́ a kɔ̨nɔ̨n. Kpələ wɛli ə kɛ mą́ą́, ka yalaɠi tɛɛ bɔ́. Ŋą kulɔ kaa a nweą, ka nweə̨ laa kɛ.

Maafîu 25:36

Mą́ą́ haɠaai kɛ, ka həɠə kɛ mą́ą́. Ɲɔ̨n ə kɛ mą́ą́, ka mą́ą́ kɔ́nwɔ̨. Ŋį́ kɛ gaho ŋą, kaa pa kaa ka woo pili mą́ą́.›

Markə 5:34

Kɛlaa, Jesus ə mo mą, yɛ mą: «Nón nɛ̨ɛ̨nu, ə́ wɔ laa na laa aa ə́ ɓalo, li liilaa hu, ə́ wɔ ɲɔ̨n gbɛɛ li yɛ́.»

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.