Zĩi 1:2 - Yálá laawoo hɛɓɛ (dc)

² Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Yálá laawoo hɛɓɛ

² Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Bible

² Ŋánûa, kà su-kɔɔŋ-sii támaa sɔlɔ ƃô, ka lii-nɛ̃ɛ kula,

Zĩi 1:2 Iomraidhean Croise

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Filipə 2:18

Bələ lɔ ɓə mąąnɛ̨ɛ̨, káá kpɛlimąn ká kwəi ə nɛ̨ɛ̨ la, yɛ ɲą́ą́.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 1:16

Ną́n nonnii, 'ká hvo ká kpɔwɔ ɓɔwo, nwɛ́likɛmąą nuą.

Zĩi 1:19

Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.