Zĩi 1:19 - Yálá laawoo hɛɓɛ (dc)

¹⁹ Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,

Yálá laawoo hɛɓɛ

¹⁹ Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,

Bible

¹⁹ Nyíŋi é lɛ́ɛ kákili ŋá, ŋáwɛli-kɛ-maa-ƃelai. Tɔɔ núu kélee é mɛni mɛ́ni a maa félaa, é ǹóno-woo maa kpɛ́ɛ, ǹíi fé ŋwãna a maa félaa.

Zĩi 1:19 Iomraidhean Croise

Nehemi 8:18

Hvóló tɛitɛi kəlee yee mu, di kɛi Yálá nwɔ tɔ́n ɉɛɓɛ́i ɓo, ə həɠə voló dɔlɔɔ ɓa, ə həli la voló gbɛlamąą ɓa. Di ɉɛlii tii pu hvóló mɛ̨ihveelɛ yee mu. Voló mɛ̨ihaaɓa yələ, di ɉɛli laakulɔ ŋąąkpɔn gɛ.

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Nehemi 9:3

Di di muhəɠə, di lɛɛ tɔɔni, di Yai-Laa di wɔ Yálái nwɔ tɔ́n ɉɛɓɛ́i hu woo ɓo diɛ, ə həɠə yələwala pɔ, ə həli la nįŋɛ̨ lon bɛlɛi lɔwai ɓa. Ə həɠə nɔwai tii ɓa, ə həli la hvóló tɛɛ nwun ma ɓa, di pɛlɛɛ Yai-Laa di wɔ Yálá lííla, diɛ hvaa di kɛ nɛ̨ŋɛ̨n ma.

Zôo 32:16

Ŋą́ mą kɛa nąą mąą kpɔn, di hvo pai hvaai, mąąhɔlɔɓo, nwoo pulu pənə woo kəlee aa kpɛɛ di la.

Hanwon 10:19

Nui a hvaa tamąą, nwɔ nɛ̨ŋɛ̨n ɉəɠə laa hvo wala li. Kɛlaa, nui a nɛn ɉon, mąą nu ɲąąlaai.

Hanwon 13:3

Nui a ɲee kɛ naaləi ɓa, a nwɔ yɛnɛ̨ɛ̨ mɛ̨i kaa. Kɛlaa, nui a howon a mɔlɔ, a gbɔwɔ nwun na pili.

Hanwon 14:17

Nui a níiholi ɉa, a ɓowo mɛ̨nį kɛ, lamąnąnmun yɛ gbɔwɔ wɛli kpɛɛ nuą diɛ.

Hanwon 14:29

Nui hva níiholi ɉa, kilimąą mun gɛnɛ̨ li. Nui níiholi laa nɛ̨ɛ̨i, a nwɔ ɓowo laa tɔɔ ɲɛ̨i.

Hanwon 15:18

Nui a níiholi ɉa, a hvaa too, nui ɲee a pɛli níi ɓa, a kpilɛn ŋąą yɛɛ.

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Hanwon 16:32

Nui hva níiholi ɉa, viɛlaɓoɔ ɓə kɔ́kuláá ɓa. Nui a gbɔwɔ hu hon, viɛlaɓoɔ ɓə dɛɛ taalee honmun ma a kɔ́.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Hanwon 17:27

Nui a nɛn dɔɔ vaa woo tɔwɔ, mąą nu kaa a mɛ̨nį kɔ́lɔnmun. Nui hva kpuluun a mɛ̨nį, mɛ̨nį ɲąą kaamun ni.

Hanwon 18:13

Nui hva nwəli tɔɔ nu woo ɓa, yɛ mɛ̨nį hutoo, ɓowo mɛ̨nį kɛnɛ̨ li, mąą nu a nwumɛ̨ tɛ a gbɔwɔ.

Hanwon 18:21

Nu ɓalo mɛ̨nį da nu haa mɛ̨nį, a kulɔ vaa woo hu, nui a nɛ̨n ɉon a nɛlɛɛ, ya ɓə a dɔ̨nɔ̨ hɔlɔɓo.

Hanwon 19:11

Mɛ̨nį ɲąąkaamun nii kələn naa walaai gwəi, ɛlɛɛ, mąąwiɛ mɛ̨nį ɓaa, ə gili kulɔ lalan ɉu.

Hanwon 19:19

Nui a níiholi kɛnɛ̨, hvo kɛ li di tɔ́n naa mą. Da wala gɛ tii, a kɛ tii, di kaa ɲąątɔɔi a dakpɛli kɛ mɛ̨nį.

Hanwon 21:23

Nui ɲee a pɛli naaləi da nɛn diɛ, a gbɔwɔ mąąkɔ̨nwɔ̨ liihɛlɛn dɔwɔ.

Hanwon 25:28

Nui ɲee hva pɛli gbɔwɔ nwɔ líiholi ɓa, gaa yɛ taai mąąkpɛ hįi hvo mą.

Hanwon 29:20

Yá nu kaa, hvaa polo-polo wɛli ə ɓo mą, ə́ ə́ kilitɔɔ kilikpɛɛgwəi mun ma, viɛlaɓoɔ nu huwui tii ɓa.

Lonon mo 22:27

Ɉoohvaalən ə Yai-Laa nwɔ malakai kaa, ə pɛlɛ nɔi ɓa, Balaamə ə níiholi, yɛ gɛlɛ a gbɔn.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Markə 12:37

«Akɛ Davidə ə kɛ non mą: ‹Nwɔ́ mɛ̨nį Námu›, Nwun mąąɓo mun Yálá ə naakwɛlanmo, a pɛli kɛi ləi a Davidə lon?» Nuą tii di kɛi Jesus woo mɛ̨i di kwəi yɛ nɛ̨ɛ̨.

Markə 2:2

nu kpulu kɛnɛ̨ ə pa di di ŋąąkpɔn bɛlɛ́ laaləi, nu tɛɛi hvo kpɛli lɛɛ laa. Jesus ə kɛi nuą tii kalan.

Lukə 15:1

Hvóló ta nįįhɔ̨nwɔ̨ kulɔ nuą da túwɔ́ pələ ɲɔ̨n gulɔ nuą, di lɛɠɛ Jesus ɓa, əgɛ, di nwoo mɛ̨n.

Lukə 19:48

Kɛlaa, pələi kɛ di tɛɛ la, di hvo kɛ bələ kɔ́lɔn, mąąhɔlɔɓo, nɔi nuą kəlee wəli tɔɔ kɛ nwoo ɓa kpaan.

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 10:33

Ɲąąɓa ŋį́ nuą tɔɔ diɛ pa ə́ təlii, ya ka tii, ə́ gɛ a nɛlɛɛ ə́ pa. Yiihu kɛa, ku kəlee kuɔ ka ə́ liila, yii kpɔ gu Ną́mu ə mo yɛ́, ku wəli tɔɔi, mo kuɔ.»

Gɛlaɠaa 13:48

Nwoo tii ə huwu takpɛliɠaa kwəinɛ̨ɛ̨ kpɔ kɛnɛ̨, diɛ Yálá laawoo mąątɛ̨nɛ̨, ɛlɛɛ, nuąi kpɔ kɛ di təliɛ ɓalo hva kpɛɛ ɓa, di di yee hee Yálá laawoo.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Ifisiɛŋ 4:31

Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Kolosə 3:8

Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Zĩi 1:16

Ną́n nonnii, 'ká hvo ká kpɔwɔ ɓɔwo, nwɛ́likɛmąą nuą.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.

Zĩi 2:1

Ną́n nonnii, káái káá laa gu Nąmu Jesus Kristə mąąwiaa la, 'ká hvo nuą huyɛɠɛ.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Zĩi 3:10

Naaləi tanɔ̨n tii hu lɔ ɓə, lúwɔ́ da nɛ̨ŋɛ̨n naa da kulɔ laa. Nąn nonnii, bələ hvəə mąą nɛ̨ɛ̨i ə kɛ la.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.

Zĩi 5:19

Ną́n nonnii, ká ta a lan, a mąąkwɛa tɛ̨ą ɓa, nu ta a tɔɔ dɔwɔ ə pənə ə paa la,

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.