Zĩi 1:12 - Yálá laawoo hɛɓɛ (dc)

¹² Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Yálá laawoo hɛɓɛ

¹² Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Bible

¹² Lûwa káa ǹúui ma a ǹíi kpèle su-kɔɔŋ yêei, kpɛ́ni fêi, à tɔ̀ɔ zu-kɔɔŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli ni.

Zĩi 1:12 Iomraidhean Croise

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Zôo 5:17

Kɛlaa, nui Yálá a ɉutɔɔ, lúwɔ́ lon ni, Hvo tɛɠɛ ɓo Huwalawala Kəlee Nąmu nwɔ hutɔɔ ɓo hu.

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Mąątɛ̨nɛ̨ 119:67

Gɛɛ kpɔwɔ mąąyɛɛ hvo lɔ ɉú, ŋį́ kɛi lan, yiihu kɛa, gáá ə́ wɔ tɔn nwooiɠaai hon ɉii.

Mąątɛ̨nɛ̨ 119:71

Mą́ą́ yɛɛ mɛ̨nį ə́ yəi, kaa mą́ą́ a mɛ̨nį lɛlɛɛ, əgɛ, ŋį́ ə́ wɔ tɔn nwooɠaai mąąkwɛli.

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 5:11

Yálá, 'di hon di hɔn tii ɓa! 'Di nwun nɛɛ di wɔ nwundɔɔ ɲɔ̨nwɔ̨ɔ̨ɠaai hu! Di wɔ túwɔpələ ɲɔ̨n damą pələi tii, da di nwun dɛ pələ ə́ pɔ, 'di kpɛ.

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Lomaŋ 5:4

Liikpələ ɓə a tɔɔ a nwąnąilaa tɛɛ nu pɔ hukɔɔn mɛ̨nį hu, kulɔ nwooɓa yɛ kilitɔɔmąą laa huwalawala.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Korɛntə dɔlɔɔ 2:9

Kɛlaa, yɛ bələi bɛ̨ɛ̨i la, diɛ kɛ: «Mɛ̨nį lɛlɛɛɠaai Yálá aa bɛli nwɛlikɛmąą nuą mąą mɛ̨nį ɓa, ɲɛ̨i kɔ́w ta hvo ni gaa li; hvə ni too li wəli ta hu, ɛlɛɛ, mąą gili hvo ni too li nu kan ɲą.»

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Korɛntə dɔlɔɔ 9:25

Pə́lə́ lɔpee gəlee kɛ nuą da tɔn naa di kpɔwɔ ɓa. Kɛlaa di wɛi, hɛn yii a kala, ya ɓə da mąą gilɛ həɠə, gu wɛi, gaa a yii hva kala.

Dutɛrɔnome 13:3

ɛlɛɛ mɛ̨nį ɲɛ̨i kɛnɛ̨i tii, awala kɛ tii, gbalo mɛ̨nįi tii ə nɛɛ kwɛala yɛ ɉukulɔ, mąą mɛ̨nį yɛ kɛ; mąą nu ə tɔɔ kɛa, yɛ kɛ diɛ: «Gu hvilɛn haliɠaa pulu, gu di mąąwiɛ» diɛi di kaa a hɛnŋąąi ka hvo di kɔ́lɔn.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Timote veelɛ 2:15

'Ə́ ŋąąwala, ə́ mąątɛ̨nɛ̨ lɛlɛɛ hɔlɔɓo Yálá ɲəi ɓa, yɛ nui daa mąą mɛ̨nį hukpɛ, yɛ kóló kɛ mun nwumɛ̨ hva tɛ la, yɛ dɛ̨ą woo ŋɛ̨i laa həli kpɔ a ɉaŋąą.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Hebreu 10:32

Kɛlaa, ɲələi ka ka yee hee la kɛɛ pono mui, 'ká ká kili lɛɛ ɉu, ə kɛ lɔ tii, káá mɔ̨nɔ̨ɠaa mįi, káá kɔ́ɠaa kɔ́,

Hebreu 11:17

Laa na laa háálai, Abrahamə hukɔɔn di mo, diɛ mą ə Isaakə kulɔ a haláái, ə non gɔw tanɔ̨n tii kulɔ a haláá, ya pa, daa gbɛa kɛ mɛ̨nįɠaa laakwɛlanmo mą,

Hebreu 12:5

ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Hebreu 6:15

Yii kpɔ Abrahamə ə niikpələ, ə mɛ̨nį laakwɛlanmoɔi tii, laa honŋąą kaa.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Piɛrə dɔlɔɔ 3:14

Akɛmun, káá kɛli mɔ̨nɔ̨ mįi tələnmolaa mąą mɛ̨nį ɓa, ká nwun na nɛ̨ɛ̨i. 'Ká hvo ɲɔw nui lɔpee ta ɓa, 'ká mąą hvo kpɛlin.

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Zɔ̂ŋ Maa-ŋuŋ 4:19

Gu wɛi, gwa nwɛlila kɛ gbala ə tɔɔ, Yaa ɓə gbɛa gu wɛlila kɛ tɔlɔɔ.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.