Zɛnɛse 6:7 - Yálá laawoo hɛɓɛ (dc)

⁷ Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Yálá laawoo hɛɓɛ

⁷ Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Bible

⁷ Nya ƃe Yâwɛɛ è mò ǹyɛɛi, “Ŋa pâi núu-kpune su karâi nyii ŋá gbɛ́tɛ ǹɔii ŋí mai, fɛnɛ-sãa, ɣála-sãa da koôŋ-sãa kélee. Kpɛ́ni fêi, malôŋ toɔɔi ḿâ a gɛɛ ŋá díkpɛ̀tɛ.”

Zɛnɛse 6:7 Iomraidhean Croise

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Zɛnɛse 7:21

Nɔ̨ɔ̨nɔ̨ɔ̨ ɉɛnŋaai kpɔ kɛ lɔi mɛ̨i, gəlee di haa; nwɛ̨niɠaa, huwɔɠaa, da nɔ̨ɔ̨nɔ̨ɔ̨ ɉɛnŋaa kəlee, ə mą kɛ, nuą, diɛi kpɔ kɛ lɔi mɛ̨i, gəlee di haa.

Zɛnɛse 7:4

Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Mąątɛ̨nɛ̨ 37:20

Nuąi da wɛlikpɛɛmąąlaa kulɔ a Yálá, di nwun na kaa pai pilii; a diɛi di kaa a Ną́mu Yálá ɲowoɠaa, yɛ gbali hu kala tiliin, yɛ nwɔ̨n nulu, di liɛ li kpɔ tɛ̨ɛ̨tɛ̨ɛ̨?.

Hanwon 10:27

Nu a ɲɔw Yai-Laa ɓa, a nwɔ yɛnɛ̨ɛ̨ hu kwɛa, Kɛlaa, nwąnąlɔ nuą yíi hvo kwɛa li.

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Amɔsə 7:3

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii tii ə́ gaa, hvo pai kɛi tii.»

Amɔsə 7:6

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii ŋɛ̨i nwɔ̨nɔ̨ ə́ gaa, hvo pai kɛi tii.»

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Sofoni 1:2

Yai-Laa woo ka, yɛ diɛ: «Gáá pai nɔ̨ɔ̨-nɔ̨ɔ̨ hɛn gəlee nwun napilii lɔi mɛ̨i.

Sofoni 1:3

Nu kanŋaa da huwɔɠaa, yələi nwɛ̨niɠaa da gboloyá hu hɔwɔleeɠaa, gáá pai nwąnąlɔɔ nuą nwun napilii, da di yee pɔɔɠaai kpɔ da nuą həɠə pələ ɓa. Gáá nu kanŋaa kpɛɛi lɔi mɛ̨i. Yai-Laa woo li!»

Dutɛrɔnome 28:63

bələi lɔ tii Yai-Laa liiɓa mɛ̨nį ɓaa la kɛ, yɛ kɛ ə ka mɛ̨i kaa, yɛ ka nwun na nɛ̨ɛ̨, yɛ ka huwu ɓɛlɛ, bələ lɔ ɓə, gaa pai ɲɛ̨i heei la kaa yɛ ka kpɛɛ yɛnɛ̨ɛ̨, yɛ ka huwu pu, a gwəinɛ̨ɛ̨; nɔi ŋɛ̨i ka káá lii ɉu kaa hee laa, da ka kulɔ laa a ka nwun.

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.