Zɛnɛse 6:5 - Yálá laawoo hɛɓɛ (dc)

⁵ Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Yálá laawoo hɛɓɛ

⁵ Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Bible

⁵ Yâwɛɛ è gàa a gɛɛ núu-kpune ŋɔŋwana-lɔɔi è kɛ̀ a gɛ́tɛ ǹɔii ma, díkoi-mɛni-ŋai díkɛ ƃô a nyɔ́mɔɔ a tãi kélee.

Zɛnɛse 6:5 Iomraidhean Croise

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Zôo 15:16

Gu hvo mu kɛ yɛ́i ŋɛ̨i a mąą liɓi mun, ə́ kwə́i kili ɲɔ̨nwɔ̨ɔ̨, yɛ́ mɛ̨nį ɲɔ̨n gbələ, yɛ nu a kɛi ya kpələ.

Zôo 22:15

Ə́ kaa mɔ̨ɔ̨ bɔ ə́ hvilɛn pələ pɔlɔ mɛ̨i, Yaai nwąnąlɔ nuą di kɛi hvilɛn mɛ̨i?

Mąątɛ̨nɛ̨ 53:2

Ɓoɠonuą da kɛ kɛi diɛ: «Yálá hvo laa!» Daa kala, daa lunwuun, di wɔ tuwɔ pələ ɲɔ̨n hu, di ta hva tuwɔ a nɛlɛɛ.

Hanwon 6:18

Mɛ̨nį ɲɔ̨n gɛ kili, kɔ́wɔi a mɛ̨nį ɲɔ̨n mąą gilɛ həɠə,

Ikilisiati 7:29

Yii woloi lɔ ŋą́ gaa, ya ɓaa: Yálá ə nu pɛli a ɉaŋąą, hvo gbɛlaan. Kɛlaa, nu kpinįi ɓə gbɔwɔ mąą mɛ̨nį nwun bili.

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Izikiɛ 8:12

Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Izikiɛ 8:9

Yɛ mą́ą́: «'Lɔ, mowo mɛ̨nį ɲɛ̨i kɛnɛ̨ɠaai di kaa gɛi ɓɛ, ə́ 'gaa.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Maafîu 24:37

Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Lukə 17:26

Bələi lɔ ə kɛ la a Noe nwɔ yələi pələ lɔ ɓə gaa pai kɛi la a Nu Lon pa yələ.

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Piɛrə dɔlɔɔ 3:20

a diɛi tii wɔlɔ kalapili laa kulɔ a ɲələɠaa tii Yálá ə niilaa la, Noe yɛ gələn bɛli, a yai nu tamąą hvo gɛ hvo lɔ ɉu, nu mɛ̨ihaaɓa lɔ ɓə ə di nwun mąąɓo ɲá yəi.