Zɛnɛse 4:16 - Yálá laawoo hɛɓɛ (dc)

¹⁶ Kain ə həɠə Yai-Laa ɲɛ̨ilaai, ə li, ə hee Nodə lɔi hu, Edɛn voló həɠəi pələ.

Yálá laawoo hɛɓɛ

¹⁶ Kain ə həɠə Yai-Laa ɲɛ̨ilaai, ə li, ə hee Nodə lɔi hu, Edɛn voló həɠəi pələ.

Bible

¹⁶ Nya ƃe Kîŋ è kùla Yâwɛɛ ŋɛ́i é lí é sée lɔii da su da kɛ̂ ma “Bilaŋ-gɔɔ-ma lɔii,” Idɛŋ lɔii vóloi ƃêlai-pere.

Zɛnɛse 4:16 Iomraidhean Croise

Zɛnɛse 3:8

Yələwulii pɔ hvaŋą tɛɛi lɔwai, hulɔnu da nɛ̨ą, di Yai-Laa woo mɛ̨n yɛ hiɛ ɲɛa. Di nɛɛ mą, di li, di di loo nwuluɠaa pulu.

Zɛnɛse 4:14

Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Zɛnɛse 4:17

Kain ə nɛ̨ą həɠə, da nɛ̨ą di too di kee ɓa, nɛ̨ą ə lon ɉulɔnu hɔlɔɓo, ə naa hee a Henɔkə. Kain ə nɛɛ mą, ə taalee ta tɔɔ, ə non naa hee daa tii ɓa.

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Zôo 1:12

Gɛɛ ti, Yai-Laa yɛ ɓilihi ɓa: «Yá pɛli yili kɛi, yá pɛli ɲəi hɛnŋąą kəlee həɠəi. Kɛlaa, hvo lɛɠɛ gbinį ɓa.» Gɛɛ ti ɓilihi ə həɠə laa yɛ li.

Zôo 2:7

Ɲąąɓa ɓilihi ə həɠə Yai-Laa lííla. Ə li, ə tiha ɲɔ̨n ɲɛɛ a Ɉobə, ə həɠə nwuɔ̨ ə kulɔ la, gɔwɔɲą.

Zôo 20:17

Hvo kɛa pai ɲɛ̨i tɔɔi tɛɛ ya lon ma, da ya kpɛa kpɛaɠaa, da kwɛin nwulɔ, da Nįŋɛ̨ ɲįnį ya mɛ̨i wulɔ.

Mąątɛ̨nɛ̨ 5:11

Yálá, 'di hon di hɔn tii ɓa! 'Di nwun nɛɛ di wɔ nwundɔɔ ɲɔ̨nwɔ̨ɔ̨ɠaai hu! Di wɔ túwɔpələ ɲɔ̨n damą pələi tii, da di nwun dɛ pələ ə́ pɔ, 'di kpɛ.

Mąątɛ̨nɛ̨ 68:2

Yálá a muhəɠə, ɲowoɠaa da taɠa, nuąi kɛi tɔɔ na, diɛ pu dɔwɔ.

Lɛɛ gbɔwɔ ɓa 20:18

Israɛlə nu huwu kəlee di ɲələgbąnąą tíŋąą tii mɛ̨n, da dulu woo, diɛ nwɔ̨n nən gaa, da nwɔ̨n nulu, yɛ kulɔ ɲee hu, di kulɔ pulu, di mąą yɛ kpɛlin.

Ɉeremi 23:39

Yili ɓa, gáá gbówo tooi a kaa, ŋį́ ka pili, ka həɠə ɲɛ̨́i mu; Kaa, ə mą kɛ daa ŋɛ̨i ŋį́ dɛɛ ka pɔ, ka ka nąnni.

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.

Maafîu 18:20

Mąąhɔlɔɓo, ɓɛi nu hveelɛ Ɉaaɓa ɉaakpɔn ɉaai laa ɲá náá hu, gáá laa di pɔ.»

Lukə 13:26

«Nąąlɔwai, ka tɔɔ kɛa kaa kɛ mą: ‹Gwa kaa ni gu kɛi kɔ̨nɔ̨n mį́į́ gee ɓa, guɔ gu kpələ, ɛlɛɛ, yɛ́ kalan ku wɔɔ kwəli hɛ̨ąiɠaai ɓa.›

Ɉaan 1:10

Nwoo tii ə wɔlɔ kɛ yɛnɛ̨ɛ̨, ya ɓə Yálá ə yɛnɛ̨ɛ̨ pɛli la. Kɛlaa, ə mą kɛ tii, yɛnɛ̨ɛ̨ hvo gɔlɔn ni.

Ɉaan 1:3

Nwoo tii ɓə Yálá ə hɛn gəlee pɛli la. Hɛnŋąą kpɔ yɛnɛ̨ɛ̨, da hvo pɛli li nwoo tii tɛɠi.

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,